حسینیم وای-متن نوحه ترکی اصغریم ای شیرین زبانیم
نام نوحه : حسینیم وای اثر : یحیوی
حۆسئینیم وای حۆسئینیم وای
حۆسئینیم وای حۆسئینیم وای
یــــارالارۇن آخــــــار قانــــــــــێ
ائــده‌ر گـــۆلنـارێ مئیــدانــــێ
باجـۇن قۇربان باشــۇن هـانـــێ
حۆسئینیم وای حۆسئینیم وای
سینــوْن اۆستـه یاروْن چـوْخـدۇر
تمـــامـــــی نیــــزه-وْ-اوْخـــــدۇر
اؤپــه‌م بۆســه یئـــری یــوْخــدۇر
حۆسئینیـم وای حۆسئینیـم وای
سـۇسـۇز الـده اؤلــه‌ن قــارداش
یـارالـــێ جــان وئــره‌ن قــارداش
هانــێ اوْل پیـره‌هــه‌ن قارداش؟
حۆسئینیم وای حۆسئینیم وای
سن اؤلـدۆن دۆشمنـۇن قالــدێ
سنـــی اؤلـــدۆردۆ کـــام آلــدێ
یــۆزۆ اۆستـــه نـده‌ن ســالــدێ
حۆسئینیم وای حۆسئینیم وای
گـــره‌ک قـــان آغـلاسێـن زینـب
جـهــانــی داغـــلاسێــن زینــب
سنـه یاس ساخـلاسێــن زینـب
حۆسئینیم وای حۆسئینیـم وای
باشــۇن یـــوْخ ایشتیــاغـۇنـدان
اؤپـــه‌م قــارداش دوْداغــۇنــدان
اؤپــۆم قــوْی مــن آیاغــۇنـــدان
حۆسئینیم وای حۆسئینیم وای
یئتیــــرره‌م نالـــه‌مـی عــرشــه
سینـوْن گـؤرره‌م دؤنـۆب فــرشه
آیــاق رددی ســالێـــب نقشـــه
حۆسئینیم وای حۆسئینیم وای
بـۇلـود تک دوْلمــایایێــم نئیلیــم
پریشــان اوْلمـــایێــــم نئیلیــــم
باش آچێـب یوْلمــایێــم نئیلیــم
حۆسئینیم وای حۆسئینیم وای
نـه بــی‌اینصـافیـمـیــش عــدوان
لیبــاســـۇن ائیلـئـیـیــــب تــالان
قـوْیــۇبــدور نعشــۇوو عــوریــان
حۆسئینیم وای حۆسئینیم وای
ائدیــم قــوْی قانیلــه‌ن رنـگیـــن
بــۇ زۆلفیــم تــا تـاپـام تسـکیـن
تاپـام تسکیــن دگیــل مومـکون
حۆسئینیم وای حۆسئینیم وای
----------------------------
رجز عاشورا اثر : یحیوی
گل دشت-ی-نئینوایه، یا خاتمُ‌النّبین
دۆشدۆ حسین بلایه، یا خاتمُ‌النّبین
بیر وقتدیر بۇ ساعت، لازیمدی سرعت اوْلسۇن
دئ خازن-ی-جَنانه آماده خیدمت اوْلسۇن
دستور وئر قارادان، جنّاته زینت اوْلسۇن
کرب-وْ-بلاده حاضر طوبای-ی-جنّت اوْلسۇن
سالسێن حسینه سایه، یا خاتمُ‌النّبین
زهراده قتلگاهه فوراً اؤزۆن یئتیرسین
بیر رختخوابیله‌ن بیر تخت-ی-روان گتیرسین
نعش-ی-حسینی بۆکسۆن، مئیدانیده‌ن گؤتۆرسۆن
زینب گئده‌نده شامه، ایجلالیله‌ن اؤتۆرسۆن
یوْخسا ائده‌ر گیلایه، یا خاتمُ‌النّبین
بیرده سفارش ائیله، ارواح-ی-انبیایه
سرعتله نازل اوْلسۇن، صحرای-ی-کربلایه
اوْنلار سنین دالۇندا، گلسینله اقتدایه
سن قێل نماز-ی-دفنی، مظلوم-ی-کربلایه
تحویل وئر بقایه، یا خاتمُ‌النّبین
کافور-وْ-سۇ گتیرمه، چون غوسله یوْخدۇ حاجت
غوسلین اؤزۆ ائدیبدیر، قاندان؛ تاپێب شهادت
اؤز نعشی اۆسته باشێ، قرآن ائده‌ر تلاوت
ائیله‌ر نوای-ی-زینب، تلقینینه کفایت
سن گل فقط عزایه، یا خاتمُ‌النّبین
قانێن یاخێب حَرَملر، موی-ی-سر-ی-سییاهه
عنّابی رنگ، زۆلفۆ تؤکدیله قتلگاهه
الوان کفن تؤخۇندۇ، اعضای-ی-پاک-ی-شاهه
نه حاجتی حسین‌ین وار پنبه-وْ-گیاهه
یا کؤهنه بوریایه، یا خاتمُ‌النّبین
جئبریل هاردا قالمێش، دربارینین قۇلامی
قصد-ی-زیارت ائتسین، بۇ «وادی السلامی»
آلسێن قنادی اۆسته، گۆل پئیکر-ی-امامی
عرشُ‌اللهه آپارسێن، گزدیرسین هر مقامی
باخسۇنلار اوْل فدایه، یا خاتمُ‌النّبین
لقمان کی مدّعی دور دردین شفاسی واردۇر
گلسین حسینه وئرسین، درمان یاراسێ واردۇر
باخسا دییه‌ر بۇ جیسمین سالیم هاراسێ واردۇر
درمانیله‌ن ساغالماز آیرێ دواسی واردۇر
مُحتاج دور بُکایه، یا خاتمُ‌النّبین
بیر عدّه قدّسیاندان گلسین همین دیاره
اوْخلارێ چکسین آتسێن، بۇ جیسمیده‌ن کناره
تا یاره‌لر اوْخ آلتدان چێخسێنلار آشکاره
گؤر شاهد اوْل کی دوشمن وۇرمۇش نه قدری یاره
دلبند-ی-مُرتضیٰ‌یه، یا خاتمُ‌النّبین
مئحراب-ی-وعده‌گاهه دۆشمۆش یۆز اۆسته پئیکه‌ر
قوْیما بۇنوعی قالسێن آرخاسێ اۆسته دؤنده‌ر
نه حالدا دۇر حسینون گؤرسۆن هامێ ملک‌لر
درگاه-ی-کبریایه دۇت سینه‌سین برابر
سال عکسینی سمایه، یا خاتمُ‌النّبین
وقتیکه یحیوی‌نین روحی گئده‌ر بقایه
زیر-ی-لحد اوْلاندا، منزیل اوْ بینوایه
اوْردا گلیب آلاندا مأمورلر آرایه
وئرره‌م قسم عزیزون مظلوم-ی-کربلایه
اوْندا یئتیش هرایه، یا خاتمُ‌النّبین
-----------------
شاعر :عباسقلی یحیوی اردبیلی
نام نوحه : حضرت علی اکبر(ع)
خئیمه‌نی سیلمیشه‌م، زینه‌تین وئرمیشه‌م، فرش ایدیر معجه‌ریم گل
اکبریم اکبریم گل
سـن گلـه‌ن یـوْلـلارا، ائیلــه‌ره‌م مـن فــدا، آغـلایــان گــؤزلـه‌ریــم گــل
اکبریم اکبریم گل
شیشه‌یـه بنزه‌ییـر، باخماسان تئز سێنـار، بیـر نیگـاهیلـه قلبیـم
امن ده ساخلا اوْغلۇم
ائی صنـوبـر قدیـم، سـایـه سـال باشیمــه، مادر-ی-بــی‌پناهـون
لۆطفیله یوْخلا اوْغلۇم
گل وئریـم زینـه‌تیـن، یـوْلـلایێـم عرصییـه، تیـر-ی-مــوژگانێـن ایلـه
دۆشمه‌نی اوْخلا اوْغلۇم
زۆلفووه دۆشسه کج، شانه بخش ائت منی، تیتره‌ییر اللــه‌ریم گل
اکبریم اکبریم گل
وصل-ی-معبوده سن، باغلایێبسان کمه‌ر، من نئجه مانیع اوْللام
عئشق سوداسی دیر بۇ
عامـل-ی-حـؤکـم سـن، امـره مــأمــورسـن، روز-ی-قـالـو بــلاده
عهدین ایمضاسی دیر بۇ
حقّ ریضـادیـر اوْنـا مـن ریضـایـه‌م بالاجـانــی وئرمــه‌ک گره‌کـدیـر
دین دعواسی دیر بۇ
حضرت-ی-فاطیمـه محضـه‌رینـه آپـار، تؤحفـه نیسگیللــه‌ریم گـل
اکبریم اکبریم گل
آسلانێبدێر اۆره‌ک قاشـلارۇن طاقینـه من غریبـی سالێبــدێـر
قاره زۆلفون کمه‌نده
ایندی صیّادلر، گؤزله‌ییرلر سنی، دام-ی-ظـۆلمه دۆشـه‌رسـن
زرمگاهه گله‌نده
روزگاریـم دؤنـه‌ر، اوْنـدا برپـا اوْلـۇر، خئیمـه ده محشـه‌ریم گـل
اکبریم اکبریم گل
ائی شکوفته گۆلۆم، کاکول-ی-سونبولوم، تۆش اوْلۇر بۇ طـراوه‌ت
حیف باد-ی-خزانه
غمزه-ی-بۆلبۆلۆم، چوْخ پریشان دیلیـم، وئـر تسـلّای-ی-هئجـران
مادر-ی-مئهریبانه
گؤرمۆسه‌ن متّصل، بیزده‌ن اؤترۆ بۇ گۆن، آیرێلێـق تیری قوْیمـۇش
دست-ی-دؤوران کمانه
جاری ائتسین سنین، قانێن ایله منیم، گؤزده‌ن اشگ-ی-تریم گل
اکبریم اکبریم گل
منزیلیم مسکه‌نیم، بیر همین خئیمه دیر، تیره ائتمیش گؤزۆمده
چکدیگیم دود-ی-آهیم
فۆرصـه‌تیـن وار اگــه‌ر، گـل مـۆختصــه‌ر تاکـی اوْلسـۇن چیراغـان
صفحه‌ی-ی-خئیمه‌گاهیم
سن بیلیرسن اوْغۇل، غرق-ی-بحر-ی-غمـه‌م، ائیله‌ییب روزیگـار
قاره بخت-ی-سییاهیم
بـورج-ی-ایقبالیمـی نـوره بـاران ائلـه، ائـی مـه-ی-انـوه‌ریـم گـل
اکبریم اکبریم گل
شاعر مرحوم : غمگین اردبیلی
نام نوحه : ناله زینب اثر : غمگین
ائلده‌ن آرالێ، دیلده‌ن یارالێ، اکبر مارالێ باشێ قارالێ
ای وای رقیه‌م، لای لای رقیه‌م
سن بولبولم سن، خندان گۆلۆم سن، شیرین دیلیم سن، هم محملیم سن
ای وای رقیه‌م، لای لای رقیه‌م
شام ایچره یاتدون، مقصوده چاتدون، عمموْن قوْجالتدون، زولفون آغارتدون
ای وای رقیه‌م، لای لای رقیه‌م
تاب و توانیم، روح و روانیم، دۆشدۆ یوْلا دۇر، غم کاروانیم
ای وای رقیه‌م، لای لای رقیه‌م
دۆشدۆن بلایه، گلدون نوایه، گئتسه‌ن آپاررام، کرب و بلایه
ای وای رقیه‌م، لای لای رقیه‌م
ای شاهزاده، دل گلدی درده، نیسگیللی اؤلدۆن، ویرانه‌لرده
ای وای رقیه‌م، لای لای رقیه‌م
ای مرغ بی پر، دور ماه منظر، ائتمیشدون ازبر، گل قارداش اکبر
ای وای رقیه‌م، لای لای رقیه‌م
ای ماه پاره، جسمونده یاره، ائتدیم کفه‌ن من، قوْیدۇم مزاره
ای وای رقیه‌م، لای لای رقیه‌م
نیسگیللی مئهمان، باغرون اوْلۇب قان، وئردون غریب جان، زار و پریشان
ای وای رقیه‌م، لای لای رقیه‌م
رنگون سارالدی، صبرون آزالدێ، عمموْن قوْجالدێ، حسرتده قالدێ
ای وای رقیه‌م، لای لای رقیه‌م
قمچی ووروب گر، شمر ستمگر، ای ماه منظر، اوْلما مکدر
ای وای رقیه‌م، لای لای رقیه‌م
بۇ غملی سؤزلر، حسرتدی یکسر، ائتدیم کفه‌ن من، بیر کؤهنه معجر
ای وای رقیه‌م، لای لای رقیه‌م
ای داد و فریاد، من خانه بر باد، هیهات اوْلام شاد، ائتسه‌م سنی یاد
ای وای رقیه‌م، لای لای رقیه‌م
اوْل اختر دین، گیزله‌تدی دردین، قبرون گؤرئیدی، حضّار و غمگین
ای وای رقیه‌م، لای لای رقیه‌م
-----------------------
شاعر : غمگین
نام نوحه : سفارش حضرت زهرا به حضرت علی (ع)
عم اوْغلۇ ای شه خوبان
باشێم اۆسته اوْخۇ قۇرآن
اوْلا زهرا سنه قۇربان
سنی مظلوم حۆسئن جانی
باخێب آغلاتما زهرانی
سنیله اوْلمۇشام همدم
بۇ ائوده دوْققۇز ایل باهم
گل ای عیسی نفس وئر دم
سنی مظلوم حۆسئن جانی
باخێب آغلاتما زهرانی
غمیمده مجتبی آغلار
قیزیم کلثوم اۆره‌ک داغلار
باشا زینب قارا باغلار
سنی مظلوم حۆسئن جانی
باخێب آغلاتما زهرانی
اجازه وئر دئییم بیر سؤز
فراقیمده یئمه غم دؤز
حۆسئینیمده‌م گؤتۆرمه گؤز
سنی مظلوم حۆسئن جانی
باخێب آغلاتما زهرانی
یئتیمه قێزلاریم قالسێن
اؤزۆنده‌ن عطریمی آلسێن
باشا شال-ی-عزا سالسیێن
سنی مظلوم حۆسئن جانی
باخێب آغلاتما زهرانی
پوْزۇلما شور شینیمده‌ن
مواظب اوْل دو عئینیمده‌م
علی‌التخصیص حۆسئینیمده‌ن
سنی مظلوم حۆسئن جانی
باخێب آغلاتما زهرانی
اؤزۆن وئر غسل و کفن ائیله
اماندیر قبری پهن ائیله
گئجه وقتینده دفن ائیله
سنی مظلوم حۆسئن جانی
باخێب آغلاتما زهرانی
گؤرۆرلر گر یئریم خالی
پوْزۇلسا قێزلارێن حالی
نوازش ائیله اطفالی
سنی مظلوم حۆسئن جانی
باخێب آغلاتما زهرانی
عم اوْغلۇ قوْیما اهل-ی-کین
وورا تابۇتۇما دستین
منی دفن ائت گئجه گیزلین
سنی مظلوم حۆسئن جانی
باخێب آغلاتما زهرانی
وئریب دم حضرت زهرا
بۇ اشعاره اولۇب انشا
اۇمۇدۇم وار ائده امضاء
سنی مظلوم حۆسئن جانی
باخێب آغلاتما زهرانی
غمیمده هر زمان غمگین
تؤکه‌ر رخسارینه اشگین
اؤزۆم بذل ائیله‌ره‌م اجرین
سنی مظلوم حۆسئن جانی
باخێب آغلاتما زهرانی
------------------
نام نوحه : شب عاشورا اثر: غمگین
شمردن مهلت آلیب شاه شهیدان بۇ گئجه
آل طاهایه اوْلا خئیمه ده مئهمان بۇ گئجه
بۇ گئجه صوبحه کیمی یاتمادێلار آل عبا
قۇردۇرلار آل علی خیمه ده بیر بزم عزا
اۇجالێب گؤیله‌ره فریاد و فغانیله نوا
زینب‌ین حالی داخێ اوْلدۇ پریشان بۇ گئجه
بیر طرفده آلێب آغۇشه رباب اصغرینی
زینت ائتدی بۇ گئجه لیلی علی اکبرینی
دیندیریر نازیله هر بیر آنا اؤز منظرینی
یۆزۆنه جاری ائدیر اشگ فراوان بۇ گئجه
اکبرین قامت رعناسینه لیلا باخێرێ
اوْدلانێر قلبی اۆره‌ک قانێ گؤزۆنده‌ن آخێرێ
صبح اوْلاندا آناسێ زولفونه قانێن یاخێرێ
ائیلیر آماده اوْلا دینینه قۇربان بۇ گئجه
گه سریه باخێر اوْل قاسم داماده یانێر
نو عروسین پوْزۇلان حالی اوْنۇ درده سالێر
طاقتین طاق ائله‌ییب صبر دل‌ین الده‌ن آلێر
تاپا بیلمیر داخێ اؤز دردینه درمان بۇ گئجه
زینت ائدیر هر آنا اوْغلۇنۇ چوْخ عزتیله‌ن
گؤز یاشێ جاری اوْلۇر یۆزلرینه شدتیله‌ن
هر گۆله بولبولو آمما باخێرێ حسرتیله‌ن
اوْلۇب اوْلاد علی گولشه‌نی ویران بۇ گئجه
گه تاپێر گۆن آیی، گه آی گۆنۆ درد دل ائدیر
گه حسین بن علی خیمه عباسه گئدیر
گه تسلی وئریب اؤز زینب‌ینی ساکت ائدیر
شاه لب تشنه اوْخۇر آیه قۇرآن بۇ گئجه
گه گلیر نازلی رقیه اوْ شهه ائیلیری ناز
گه باسێر باغرێنا اؤز سئوگیلی‌سین شاه حجاز
شاه دین ائیلیری معبودیله گه راز و نیاز
ائده معشوقه فدا عاشقی تا جان بۇ گئجه
بار الها بیزی مایوس ائله‌مه روز جزا
مطلبین ائیله روا وار نقدر اهل عزا
حشرده شافع اوْلا پنج تن آل عبا
ائله غمگین‌ین اۆره‌ک دردینه درمان بۇ گئجه
-----------------------------
شاعر : غمگین
نام نوحه : علی اکبر
دۆشه‌نده یادیمه اول زلف دلربا گئجهلر
علی دئییب ائده‌ره‌م نی کیمی نوا گئجهلر
یئته‌ر مشامه عطرون اسنده باد صبا
بۇ خسته روحیم اوْلۇر جسمیده‌ن جدا گئجهلر
اوْ قدر ذکر ائدیره‌م صبحه تک فراقوندا
یارالێ قلبیم اوْلۇر غصه‌دن یارا گئجهلر
دۆشۆر خیاله سن ایله‌ن علی گئچه‌ن گۆنله‌ر
منیله سن واریدون صوبح ایله مساء گئجهلر
ندیر علاجیم اوْلۇم گؤزلریوه قۇربان
یوْلۇن گؤزه‌تلیره‌م ای شبه مصطفی گئجهلر
دیزیمده یوْخ بیلیسه‌ن طاقه‌تیم دۇرام ایاقا
عیادته نه گلیر قوم و اقربا گئجهلر
بو صحن خانه‌نی مدتدی من دوْلانمامێشام
فلک ائدیبدی عجب بختیمی قارا گئجهلر
نه اوْلۇر (نولور) علیله باجون بیرده یادۇوا سالاسان
مرضییوه‌م ائده‌سن دردیمه دوا گئجهلر
دییه‌ره‌م اؤز اؤزۆمه ایمدی قارداشێم گله‌جک
قیلیب نماز ائده‌ره‌م من سنی دعا گئجهلر
محبتونده‌ن علی یاتمارام یۇخوم گلمه‌ز
گره‌ک علیله باجۇن منتظر قالا گئجهلر
اوْتاغیوین قاپێسێن آچمارام گلینجه علی
که تا گلیب ائده‌سن غصه‌دن رها گئجهلر
یۇخودا گؤردۆم علی گلمیسه‌ن عیادتیمه
دئییسه‌ن آغلاما چوْخ ائتمه وا اخا گئجهلر
قوْلۇمۇ بوْینۇوا سالدێم اؤپه‌م جمالوندان
بۇ فکریله که اوْلام سن ایله‌ن آشنا گئجهلر
نه گؤردۆم، اللریوه یاخمێسان حنا قاندان
ستاره تک دۆزۆلۆب جیسمیوه یارا گئجهلر
دئیدم علی بو نه عالمدی بو نه حالتدیر
اوْلۇم اوْ اللریوه من علی فدا گئجهلر
نده‌ن بۇ حاله قالێبسان؟ باجون سنه قوربان
دئدین باجێ وطنیم اوْلدۇ کربلا گئجهلر
دئدیم علی گله‌جک سن مدینه‌یه بیرده
دئدین واریمدێ باجێ اؤزگه ماجرا گئجهلر
دئدیم قایێتمایاجاقسان باجێوی گؤرمه‌یه سن
دئدین وطن منه موشگول نصیب اوْلا گئجهلر
دئدیم دوْیۇنجا علی قوْی گؤرۆم یۆزۆنده‌ن اؤپۆم
دئدین داخێ باجێ گئت دۆت منه عزا گئجهلر
سوْرۇشما حالیمی بۇ قلبیمی کباب ائتمه
گلیبدی اکبریوین باشینه قضا گئجهلر
آتامێدا منیده قانه ائتدیلر غلطان
بۇ غمده صبر ائیله چوْخ ائتمه وا ابا گئجهلر
عمووی یێخدێلار آتدان سۇ مشگی اوْخلاندێ
وئریب ایکی قوْلۇنۇ دینینه فدا گئجهلر
علی اصغره پیکان-ی-حرمله سو وئریب
ربابین حقی وار هجرینده اوْدلانا گئجهلر
عم اوْغلۇوۇ خبر آلسان توْیۇ دؤنۆب یاسه
رقیه رنگی اوْلۇب مثل کهربا گئجهلر
پوْزار بۇ نکته یقین ائله حال زهرانی
بالاسێ فاطمیه چوْخ ائده‌ر نوا گئجهلر
یازاندا بۇ سؤزۆ دم وئردی محسنی غمگین
اۇمۇدوارێم قبری نصیب اوْلا گئجهلر
نام نوحه : حضرت قاسم (ع) اثر: سیدتقی سیفی اردبیلی
عم اوغلێ صبریـم جالاندێ
خانــه‌‌ی-ی-بختیــم تالانـدێ
اوْوچێـــلارا اسیـــر اوْلــــدۇم
دادێمـه تئــز گــل آمــانـــدێ
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ
حیجـلـه‌ســرا تالان اوْلـــدۇ
گلین‌لیــگیــم یالان اوْلــــدۇ
اۆستۆمه آد قوْیۇب گئتدین
دردیــن منــه قـالان اوْلـدۇ
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ
فله‌ک سنه کمنـد آتـدێ
اوْلادی آرزییـــا چــاتـــدێ
سنین آدێن دیله دۆشدۆ
امما منیــم آدێــم باتــدێ
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ
اۆره‌گیمده سؤزۆم قالدێ
نه قلبیمده دؤزۆم قالـدێ
کج باخێب آیرێلانـدا سـن
گؤزله‌روندا گؤزۆم قالــدێ
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ
چاغماغێنێ فلـه‌ک چاخـدێ
گؤگده بیر اێلدیریم شاخ-دێ
چوْخـلار آیـدێنلێغــا چێخــدێ
منیم بخت اۇلــدۇزۇم یاتـدێ
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ
سالدێ منی بـلا جانـــدان
ظۆلم-وْ-جفــای دوْرانـــدان
بزه‌ندی توی گـۆنـۆ سنیـن
آغ کؤینه‌گین قێزێل قاندان
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ
خوْش گۆنۆ نئیلیره‌م سن‌سیز
گۆل بئجه‌ره‌م دره‌م سن‌سیز
چتیـــن گـــؤره ائـــل قبیلـــه‌م
زولفله‌ریمی هؤره‌م سن‌سیز
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ
داغێلدێ ائللـه‌ریم گئتدی
سوْیۇلدۇم زیوه‌ریم گئتدی
سنده‌ن قالان نیشانئیدی
گلین‌لیک معجه‌ریم گئتدی
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ
آهێـم الـــوْودان سئچیلمــــه‌ز
دردیــم اۆره‌کــده‌ن بیچیلمــه‌ز
سنده منـی گـؤزده‌ن آتســوْن
عئشقون اۆره‌کده‌ن کیچیلمه‌ز
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ
کوفییـــه گلــدی قطـــاریــم
سارالدێ گۆل تک عوذاریم
قانلێ باشۇن جیدا اۆستـه
اوْلـدۇ منیــم هــم جواریــم
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ
منه دۆشمــه‌ن ال چالانـدا
جان قوْیمادێ غم بۇ جانـدا
تارێ بیلیـر نـه چکـمیشـه‌م
نئی ده باشون داشلانانـدا
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ
گۆلوستـانـدا تیکـان بیتـدی
گؤزه‌ل یاریم گؤزده‌ن ایتدی
دؤیۆلمه‌کده‌ن یوْرۇلمـازدێـم
منـی شماتــه‌ت اینجیتـدی
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ
داشلانێـب چرخیـن جفاسـی
دردیمیــن یــوْخــدۇر داواسـێ
هـــر یـارایـــا مرهـــه‌م اوْلســا
ساغالمــاز هئـچ دیل یاراسێ
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ
اوْوچـۇ کمـانـه اوْخ تــاخـــار
جئیران قاچـار دؤنه‌ر باخــار
تانێش داشێ اوْخدان بته‌ر
هم گؤینه‌ده‌ر هم ائو یێخـار
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ
قیشده قـوْپـار دۇمــان یئــرده‌ن
اوره‌گ یـــانــار یامــان یئــــرده‌ن
کۆسمه‌گه حقلی‌سن منــده‌ن
کؤنۆل کۆســه‌ر اۇمـان یئــرده‌ن
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ
بــۆلبـۆل اۇچـار گؤگـه بیلمه‌ز
گۆل تیکانلێق سئـوه بیلمـه‌ز
آداخلێســێ اؤلــه‌ن گلیــن
هئچ قاپێنێ دؤیــه بیلمــه‌ز
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ
غـم منــی زینهاره گتــدی
آغ گـۆنۆمــۆ قـــارا گتـــدی
فلــه‌ک قـوْلـۇمـو باغـلادێ
مجلس-ی-مئیخاره گتدی
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ
هامـی یارین عـزیـز ایستـه‌ر
گلین گئـده ن جهیز ایستـه‌ر
گؤزله‌روننـان ایـراق اوْلسـۇن
دۆشمه‌ن منی کنیز ایسته‌ر
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ
آخـــار ســۇدا بالێــــق اۆزه‌ر
آی باتـانـــدا اۇلــدوز سـۆزه‌ر
توْی گؤرمییه‌ن یاسلێ گلین
کنیــــزلیـگـــه نئـجــــه دؤزه‌ر
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ
بۇ چـرخ سـوفلــه-وْ-دنـــی
بــلاده‌ن اینـجیــدیـب منـی
دۆشمه‌ن ائوینده گؤزله‌ریم
قــوْرخا-قـوْرخـا گزه‌ر سنـی
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ
باغـلار قالێـب سئـل آلتێنــدا
سۆنبول سێنیب یئل آلتێنـدا
باغرێم قان اولـدو آزگلنـه‌ن؟؟
قانـــه بـاتــان تئـــل آلتێنــــدا
باغرێم اوْلۇب قان عم اوْغلێ
گؤزلـه‌ره قـۇربان عـم اوْغلـێ
-
زبانحال امام خطاب به حضرت زینب (س) احوالات
******
گوز یاشیم قانه دونوب گل باجی سرداریم ئولوب
اوجا بویلی الا گوز قولسوز علمداریم ئولوب
قالمیشام عرصه ده تک یوخ باجی بیر دادرسیم
تشنه لب قانه باتوب یار وفاداریم ئولوب
اچ باشون زلفوی یول جاری ایله گوز یاشوی
قامتیم اولدی کمان شانلی سپهداریم ئولوب
یخدیلار سرویمی سو اوسته سوسوز قوم عدو
هجرینه یوخ دوزوموم اسوه اخیاریم ئولوب
قیزلاریم سویله باجی سو یولونی گوزله مسون
علقم اوستونده سوسوز قافله سالاریم ئولوب
دشمنیم ال تاپاجاق قورخولی صحراده بیزه
داخی سیندی قوشونوم یوخدی طرفداریم ئولوب
گئت باجی ایله خبر هر نه کی وار قاره لچک
محنتیم باشدان اشوب یوخ کمکیم یاریم ئولوب
سولدی گلزار علی قالمادی اثار صفا
یتشوب فصل خزان میر و هواداریم ئولوب
قالدی دشمنلر ایچینده یارالی نعشی باجی
قوللاری اولدی قلم قولسوز علمداریم ئولوب
نقدر اکبریمه دگمیشیدی یاره باجی
یوز ایله یاره دگوب جسمینه سرداریم ئولوب
اچگلان معجریوی باشیوه سال قاره لچک
باجی چارم ازالوب یار فداکاریم ئولوب
سنده محکم بیلوی باغلا اسیر اولماقیوا
سنده اغلا منیله ایند یکی انصاریم ئولوب
باشینه کاری یارا ویر میشیدی نوفل دون
اوندا بیلدیم کی باجی محرم اسراریم ئولوب
پارچالانمیشدی عمودیله سو اوستونده باشی
صاحب مشگ و علم میر دل افکاریم ئولوب
بیر نچه کلمه منیله دانیشوب یومدی گوزون
حالینی ایتدی بیان گوردوم او غمخواریم ئولوب
گلمدی لیکن ئوزی من گتوروردوم خیمیه
دئدی گئت خیمه ده دی مظهر ایثاریم ئولوب
چکدی بیر اه اورکدن منی یاندیردی باجی
سالدی اود خرمنیمه اوندا کی اول یاریم ئولوب
بو اولفضلیدی هر مشگلی اسان ایده جاق
قورخولی چولده منیم میر گهر باریم ئولوب
سنده مشکلده شهابا بو ابوالفضلی چاغیر
سسله منله دگینن ضیغم پیکاریم ئولوب
**********
برگزیده از کتاب شفق نینوا اثر استاد کربلائی حسین شهاب پور
ايضا امدن امام حسين عليه السلام به سر نعش سردار دلير اسلام
نوحه
اي مني دنياده پريشان قويان
گوزلرون اچ ياتما ابوالفضل اويان
اي قولي تندن قلم
صاحب مشك و علم
**********
ياتما منيم ياره لي سر لشگريم
گوزدن اخور عارضه اشگ تريم
گوهر درياي وفا پروريم
اي قولي تندن قلم
صاحب مشك و علم
كيمدي منه سن كيمي غمخوار اولا
لشگريمه سن تك علمدار اولا
حامي دين حقه طرفدار اولا
اي قولي تندن قلم
صاحب مشك و علم
گورنه الوب دوره مي قوم عنيد
قويما مني قورخولي چولده وحيد
سن تك ايدللر مني قارداش شهيد
اي قولي تندن قلم
صاحب مشك و علم
گلشن عمري ستميله سولان
مير حرم مشگينه قاني دولان
ياتما بو قان ايچره ابوالفضل اويان
اي قولي تندن قلم
صاحب مشك و علم
تشنه بناتيم ايدور اه و فغان
تشنه لرون حالنه يوخدور يانان
ياره لرون ورموري هيچ بير جه سان
اي قولي تندن قلم
صاحب مشك و علم
قانه باتان مشگه باخوب اغلارام
قلبيمي بو غصه ده من داغلارام
اولسا علاجيم ياراوي باغلارام
اي قولي تندن قلم
صاحب مشك و علم
اچ گوزيوي اي قولي تندن قلم
قويما يخلسون يره قارداش علم
اغلاشوري خيمه ده عطشان حرم
اي قولي تندن قلم
صاحب مشك و علم
گوزلرون اچ تا گله منظور اله
اهل جفا گور نه سالوب ولوله
شاد و خراماندور ايدور هلهله
اي قولي تندن قلم
صاحب مشك و علم
دور اپاروم خيميه قارداش سني
يوخ كمگيم ايتمه پريشان مني
زينب ئوزون اولدوري گورجك سني
اي قولي تندن قلم
صاحب مشك و علم
گور نجه وحشت بورويوب چوللري
نيلسون ايندي حرم اهولري
يولدا قالوبدور بيلورم گوزلري
اي قولي تندن قلم
صاحب مشك و علم
برگزيده از كتاب شفق نينوا
زبانحال امام حسين (ع) در بالين خونين اقا قمر منير بني هاشم عليه السلام
زبانحال امام حسين (ع) در بالين خونين اقا قمر منير بني هاشم عليه السلام
نهر اوسته باتان قانه - ياندي جگريم قارداش (۲)
رخساره اخور گوزدن - اشگ بصريم قارداش(۲)
دور ياتما اي منه سردار ابوالفضل
يوخ منه سنكيمي غمخوار ابوالفضل
**********
گلديم باشيوون اوسته - تا گلدي سسون قارداش
درك ايلديم احوالون - گوز ياشيم اولوب قانياش
اچ گوزلريوي قارداش - سرون منه سن قيل فاش
دور ياتما اي منه سردار ابوالفضل
يوخ منه سنكيمي غمخوار ابوالفضل
دور اتما مني گوزدن - اي قولسوز علمداريم
قويما علمون ياتسون - لب تشنه سپهداريم
سن تك كيم اولار قارداش - بو دهريده غمخواريم
دور ياتما اي منه سردار ابوالفضل
يوخ منه سنكيمي غمخوار ابوالفضل
دور تشنه لب اطفاليم - گوزلور يولوي قارداش
بولموللر عدو سالميش - ساق و صولوي قارداش
محو اولسون او كسلر كي - كسدي يولوي قارداش
دور ياتما اي منه سردار ابوالفضل
يوخ منه سنكيمي غمخوار ابوالفضل
اي مير قارداش - سردار سپاهيم سن
قولسوز يارالي يا تما - سن ياور و ياريم سن
دور قويما مني يالقيز - چون پشت و پنا هيم سن
دور ياتما اي منه سردار ابوالفضل
يوخ منه سنكيمي غمخوار ابوالفضل
سن سيز يارالي قارداش - بيللم ايشيم افغاندي
قلبيم سنون هجرونده - اود دوتدي الو لاندي
عطشان حرميم ايندي - اخياميده گرياندي
دور ياتما اي منه سردار ابوالفضل
يوخ منه سنكيمي غمخوار ابوالفضل
قالميش بوتون اواره - پروانه لرون قارداش
يانماز اوره گي بيلم - بيگانه لرون قارداش
پوزقون دولانور عطشان - دردانه لرون قارداش
دور ياتما اي منه سردار ابوالفضل
يوخ منه سنكيمي غمخوار ابوالفضل
خوش حاليوه عباسيم - عالي هدفه چاتدون
اماله اولوب نايل - اما مني اغلاتدون
قوللار اوزولوب تندن - القانه باتوب ياتدون
دور ياتما اي منه سردار ابوالفضل
يوخ منه سنكيمي غمخوار ابوالفضل
با توجه به سبك اين نوحه قسمتهاي دوم اين شعر يا مصراعها بايد تكرار شوند همگي.
برگزيده از كتاب شفق نينوا
:: موضوعات مرتبط: شهادت حضرت ابوالفضل علیه السلام
شجاعت حضرت ابوالفضل عليه السلام
در سبك زنجيرزني سه ضرب و پنج ضرب
ابولفضلي گوروب صفلر داغيلدي
قاچوب سركرده لر لشگر داغيلدي
**********
حسينون عاشق كامل عياري
علمدار رشيد و با وقاري
الوب گويا عليدن ذوالفقاري
توكوب قان قلعه خيبر داغيلدي
قاچوب سركرده لر لشگر داغيلدي
ائدوب كفرين سپاهين بر هم عباس
گلوب نهر اوسته وردي پرچم عباس
سووا با خديقجا اولدي خرم عباس
اوركدن غصه سي يكسر داغيلدي
قاچوب سركرده لر لشگر داغيلدي
سو مشگين دولدوروب لب تشنه سقا
ئوزي ميل ائتمدي بير قطره اما
جزاك الله دئدي معناده زهرا
غم اولاد پيغمبر داغيلدي
قاچوب سركرده لر لشگر داغيلدي
رجز خوان الده پرچم دلده تكبير
ئوزين ووردي سپاهه بيرده چون شير
هراسان ائتدي خصمي برق شمشير
يول اوستن فرقه كاغر داغيلدي
قاچوب سركرده لر لشگر داغيلدي
ديور راوي باخورديم حالي مضطر
چيخور گوردوم نيستاندان او سرور
نه وار مشگينده سو نه تنده اللر
دگوب باشه عمود افسر داغيلدي
قاچوب سركرده لر لشگر داغيلدي
اوني السيز گوروب ال چالدي اعدا
كمكسيز قارداشين سسلندي سقا
غريب عباسيوي درك ايله مولا
اولوب عمروم گلي پر پر داغيلدي
قاچوب سركرده لر لشگر داغيلدي
علمدارون وئرور جان يا حسين گل
سن عطشان منده عطشان يا حسين گل
گلن يولاره قربان يا حسين گل
ياغيش تك اوخ ياغوب پيكر داغيلدي
قاچوب سركرده لر لشگر داغيلدي
برگزيده از كتاب رجزهاي حاج ولي الله كلامي زنجاني
:: موضوعات مرتبط: وداع حضرت ابوالفضل علیه السلام،
زبانحال امام حسین(ع) به حضرت ابوالفضل (ع)
وفالی سر لشگریم اچ گوزلرون
یارالی همسنگریم اچ گوزلرون
ابوالفضل - ابوالفضل
یاوریم اچ گوزلرون
یارالیسان مقصدیوه چا تموسان
جبهه قراندا قانا باتموسان
قان اراسیندا نه عجب یاتموسان
یاتما سینوب شهپریم اچ گوزلرون
خصمیله دیوان ائله سون حق ئوزی
اورتامیزا سالدیلا هجران سوزی
یولدادی مخیمده ربابین گوزی
اخر ئو لور اصغریم اچ گوزلرون
قانلی باشون قوی باسوم اغوشیمه
دوشدی اغیر رسالتون دوشیمه
دولدی غمون سینه پر جوشیمه
ای ادی دل ازبریم اچ گوزلرون
پوزدی منیم حالیمی قارداش غمون
یومما گوزون دیده گلوب همدمون
کمکسیزم دور اله ال پرچمون
علم دوتان افسریم اچ گوزلرون
اغلاما گوز یاشیوه قربان اولوم
پارچا لانان باشیوه قربان اولوم
یاریوه یولداشیوه قربان اولوم
علامت اصغریم اچ گوزلرون
وای منه گلزار امیدیم سولوب
نیزه لر التدا بدنون خرد اولوب
علی با خیش گوزلریوه قان دولوب
نشانه حیدریم اچ گوزلرون
ابوالفضل - ابولفضل
یاوریم اچ گوزلرون
برگزیده از کتاب رجزهای حاج ولی الله کلامی زنجانی
:: موضوعات مرتبط: شهادت حضرت ابوالفضل علیه السلام
اي آهــوي دشــت بــلا آغــلار رقــيــم آغـلامـا
اي غنچه تك سولمـوش بالا آغـلار رقـيـم آغـلامـا
عـمـه ن بـلور دردیـن نـدن اي بلبـل صـدرحسـيـن
يـانديـرمـا بـو بيچاره ني ايتمه بـوقدري شوروشين
دشـمـن ايدوب بـو گوشه ويرانه ده حدسيز كميـن
اولـدوخ اسـيـر اشـقـيـا آغــلار رقـيـم آغــلامــا
شـبــه پـيـمـبـر قـانـنه الوان اولوب ياندي دليم
یـتــدی خـزان غـم بـالا گلـزاريده سولدي گليـم
يــوخـدور گلستانـدا صـفـا اولـدي قفسده بلبليـم
شــمـردنـي ايـلــر جـفــا آغـلار رقـيـم آغـلامـا
قاسم جـوان اولدي گونوم ياسه دونوب قان آغلارام
اولدي آناسـی قاره پوش هجـرينده سينه داغـلارام
من حشره جـن اولام غمين باشه قراسین باغـلارام
اولـدوردي قــوم بـيـحـيـا آغــلار رقـيـم آغـلامـا
اولـدوردي قــوم دون بالا عـبـاس تك قارداشيمي
قـولارينـي سـالـدي عدوقان ايلـدي گـوز ياشيمـي
قان ایچره جـان وردي سوسوز سالدي بلايه باشيمي
بـوشـامـده يـــوخ آشـنـا آغــلار رقـيـم آغـلامــا
دعـوت ايـدوبـلـر كــوفـيـان كـرب وبلايه ميهمـان
اوخـلاديـلار گـل اصـغري قديم اولوب غمدن كمان
بیچدی بوغازين تيـرتيز اصغرويروب لب تشنه جـان
بـوكـوفـيـانـدا يــوخ وفـا آغــلار رقـيـم آغـلامــا
كسـدي حسـيـنـون باشني شـمر جـفاجـو از قـفـا
اوز سـاربانــي الـلـرين كسدي ايـدوب جـور و جـفا
سـوندان ويــروبـلار خيميـه اوت كوفيـان بي حيـا
عـمـن اولــوبــدور بـيـنـوا آغـلار رقـيـم آغـلامـا
ويـرانه ده ويـردي بيـزه مـنـزل بـوگـون قوم عـدو
جمـع پـريشـانه وروب قمچي بـو شمـر كينـه جـو
بـو شـاميـاندا يــوخ بـالا بيـر قطـره شــرم و آبـرو
چــوخ ايـلـمـه سـن آه و وا آغـلار رقـيــم آغـلامـا
شـمـردنـي سـيلي ويـروب قانه دونوبدور گوزياشيـم
جان ورديلر عطشان بالا بوچولده يوخدي قارداشـيـم
كـربـوبــلادن كـوفـيـه دوزدي بـلايـه بـو بـاشـيـم
جسـمـيـمده وار حـدسـيـز يـارا آغـلار رقيم آغلاما
بـو واعـظـي آغـلار سـنـه دنـیـاده هـر صبـح و مسا
ايـسـتـه گلـه ويـرانـيـه دلـدن سـنـه قـان آغـلـيـا
كـربـوبـلا تـوپـراقـيـنـا گـلسـون زيـارت ايـتـمـاقـا
اول شــافـعـی روز جــزا آغــلار رقــيـم آغــلامــا
منبع: دیوان ناله رقیه سلام الله علیها احد واعظی هریسی
متن نوحه ترکی اصغریم ای شیرین زبانیم
ای منیم روحیله روانیم
یات بالام ایله استراحت
خسته سن بار گول ستانیم
اغلاما آغلاما قوربان او آخان گوزلریوه
سینه مه حسرتلی باخان گوزلریوه
بالام لای لای گولوم لای لای
بالام لای لای گولوم لای لای
اوت توتوب یانیرام بالام لای
دردیوی قانیرام بالام لای
ایستیرم سسلیم ابوالفضل
شرمیدن قالیرام بالام لای
لالای ای دردی آلاسین درده سالان
لالی لای ای حسرتی اورکلرده قالان
بالام لالی لای گولوم لای لای
آچمادین دیل ، غمیم چوخ اولدی
قلبیمه ، نیسگیلین اوخ اولدی
هر یئری سودان اوتری گزدیم
حیف اوللا حاصیلیم یوخ اولدی
عف ایله اللریوی ، گر باغلامیسام
منده سن تک سحرجان آغلامیشام
آغلاما قوربان او آخان گوزلریوه
سینه مه حسرتلی باخان گوزلریوه
بالام لای لای گولوم لای لای
علی بوش بشیگ یاندیرار آنانی
خیمه نی هی دوروب دولانی
دییرم آه و حسرتیله
آختارون قره گوز بالامی
اورگیم ایستیری سسین، آغلا بالام
اللرین باغلی دییر آغلا بالام
اورگیم ایستیر سسین آغلا بالام
لالی لای ای حسرتی اورکلرده قالان
بالام لای لای گولوم لای لای
بالام لای لای گولوم لای لای
مطالب مشابه :
نوحه زنجیرزنی سه ضرب - زنجیر زنی 3 ضرب
کتاب جامع زنجیر زنی - دانلود زنجیرزنی - نوحه زنجیرزنی سه ضرب - زنجیر زنی 3 ضرب - آموزش مداحی
نوحه زنجیرزنی
زنجیر زنی سه ضرب نوحه فارسی به سبک ای قلم سوز لریند اثریوخ ای قلم سبک این شعر سبک
دانلود نوحه زنجیر زنی با مداحی روح الله فاخری
جهت دانلود نوحه زنجیر زنی با مداحی روح الله فاخری باب اناری بر روی لینک زیر کلیک کنید:
اولین زنجیرزنی محرم در بازار تهران
کتاب جامع زنجیر زنی متن بهترین نوحه های زنجیر زنی زنجيرزني در سه ضرب با سنج را اجرا مي
همه دارو ندارم حسینه"(سه ضرب)سینه و زنجیر زنی"
(سه ضرب)سینه و زنجیر زنی" نوحه های سینه و زنجیر زنی و مدح اهل بیت موجود است .
کانون مداحان استان خوزستان
جهت اگاهی از اهنگ نوحه ها : همه دارو ندارم حسینه"(سه ضرب)سینه و زنجیر زنی" تشنه لب کربلا
نگاهی به آیین‌های عزاداری محرم در استان گیلان
تشکیل دستجات سینه و زنجیر زنی با شیوه‌های مختلف دو ضرب ، پنج ضرب و سه زنجیر زنی و نوحه
حسینیم وای-متن نوحه ترکی اصغریم ای شیرین زبانیم
( سینه و زنجیر زنی) نام نوحه : در سبك زنجيرزني سه ضرب و پنج
محرم در کیسار
دسته زنجیر زنی. اشعار سنتي به نوحه خواني مي پنج ضرب، چهار ضرب، سه ضرب و دوضرب
«محرم در روستای قلعه نو»
از کجا بفهمم خدا عبادت های مرا قبول کرد یا نکرد؟
برچسب :
نوحه زنجیر زنی سه ضرب