تورکجه شعرلر، مزار داشی اوستونه ( اشعار ترکی روی سنگ قبر )
آتا عالمده عجب بیر باهالی نعمتیمیش
سایه سی سایه دگیرمیش برکت رحمتیمیش
حیف اولا گئتدی الیمدن بو ایشیقلی چیراغیم
هر نفس چکماغی واللاه واریمیش دولتیمیش
------------------------------------
توپراق ايچينده بير دوردانا ياتيبدير
توپراق ايچينده بير خوش سونا ياتيبدير
سٶزون دوزو، ملك اينسان جيلدينده
بوردا بير مئهريبان آنا ياتيبدير
---------------------------
ائي دده گره ك آغلاييم
سن اوچون اورَ ک داغلاييم
بو فلك بيزي آييردي
اونا بير ده بئل باغلاييم؟
------------------------------
ياشاديم دونيادا من ده بير موددت
ائتديم باجارديقجا نئچه نصيحت
مقصديم وئرمک ايدي دوز يولو نيشان
آللاها تاپشيريب گٶچدوم دونيادان
----------------------------------------
سني فرزانه لر آتدي
قاپيپ ديوانه لر توتدو
كيمي آلدي، كيمي ساتدي
يالان دونيا، يالان دونيا
----------------------------
آغلا آنام آغلا
قوي گٶز ياشينلا مزاريم اوستونده گوللر سولانسين
ائله بير نعره چک تيتره سين يئر گٶي
غفلت يوخوسوندان خالقيم اويانسين
داغلارين قوينوندا آچان گول ايديم
سورمايين آی دوستلار، واختسيز سولموشام
آزاد ائتمك اوچون آزربايجاني
من وطن يولوندا شهيد اولموشام
----------------------------
سوس يوخلايير!
----------------------------
زييارتدن موراد دوعادير
بوگون منه، يارين سنه دير
----------------------------
بير چيچك ايديم دونيادا
آچانمادان قيريلديم
----------------------------
آغلارسا آنان آغلار
اٶزگه سي يالان آغلار
----------------------------
جاهاندا كيمسه قالماز، جومله فاني
قالير ايتامينا آه-و فغاني
----------------------------
عاقيبت سن ده گليرسه ن بو صيراطين باشينا
حضرت-ي آدم كيمي گيرسه ن هزاران ياشينا
كيمسه يه باقي دئييلدير بو جاهان ظيلل-ي خيال
غفلت ايله آلدانيب مئيل ائتمه قلب نققاشينا
عاقيبت اولسان گره كدير سن ده مٶحتاج-ي دوعا
اوخو بير قاچ فاتيحه، بخش ائيله دين قارداشينا
ائي برادر باخ منه، يئتمه ز مي هئچ عيبرت سنه؟
شمع-ي ناميم بير نيشان اولدو مزاريم داشينا
----------------------------
بير گول-ي دونيا ايديم اصلينده من
ايشته قوندوم خاك-ي قبره من ده تن
بير وفاسيز، اصلي يوخ دونيا ايميش
ائيله ديم كام آلمادان ترك-ي وطن
هاردا قالدي بونجا آلاييشلاريم
اون سكيز ياشيندا گييديكده كفن
من غريبه م، گلديم ائي ربب-ي غفور
مغفيرت قيل مني، لوطف ائيله سن
----------------------------
بو مزارلار درس-ي عيبرت يئرلري
غفلتي آت، گٶر اٶلومو، اٶلومو
گٶر نيشانسيز ياتان سولطان ارلري
قولاغين آچ، دوي اٶلومو، اٶلومو
جان ملكه يي تسليم آلميش جانلاري
معمور ايكن ويران اولموش خانلاري
هم چوروموش تورپاق اولموش تنلري
سٶيله شيرلر، بيل اٶلومو اٶلومو
----------------------------
يا رب بو نه اٶلوم، بو ناصيل ظولوم
آه ديييب ده آغير باشلار آغلايير
چيچه يي بورنوندا، سولان بو گولوم
تورپاغا قاريشان ساچلار آغلايير
جان دايانير مي بئله بير زارا
قالدي قييامته منده كي يارا
دور مزارچي، قازما وورما مزارا
سن گٶرمه زسين داشلار آغلايير
اٶتمه بولبول اٶتمه باغلار ياسليدير
بوگون آردانوشدا چايلار ياشليدير
قالان بير كرمدير، گئده ن آسليدير
اووالار، يايلالار، كٶشكلر آغلايير
افكاري سن غمسيز قالمازسين بير گون
اورتادا بير تابوت، بو ناصيل دويون
هر كيمين اوزونه باخدييسام بو گون
چكيلير اوره كلر، ايچلر آغلايير
(افكاري)
----------------------------
بيز دونيادان گئده ر اولدوق
قالانلارا سلام اولسون
بيزيم اوچون خئيير دوعا
قيلانلارا سلام اولسون
اجل بوكه بئليميزي
سٶيله تمه يه ديليميزي
خسته ايكن حاليميزي
سورانلارا سلام اولسون
تنيم اورتايا آچيلا
ياخاسيز گٶمله ك بيچيله
بيزي بير آسان وجهيله
يويانلارا سلام اولسون
صيلا وئريله قصديميزه
گئده ر اولدوق دوستوموزا
ناماز اوچون اوستوموزه
دورانلارا سلام اولسون
آشيق يونوس سٶيله ر سٶزون
ياش دولدورور ايكي گٶزون
بيلمه يه نلر نه يي بيلميش
بيله نلره سلام اولسون
----------------------------
گلدي گئچدي عٶمروم منيم
شول يئل اسيب گئچميش كيمي
هله منه شٶيله گلدي
گٶزوم يوموب آچميش كيمي
ايشته بو سٶز حاق تانيقدير
بو جان گٶوده يه قونوقدور
بير گون اولا چيخا گئده
قفسدن قوش اوچموش كيمي
بير خسته يه واردين ايسه
بير ايچيم سو وئردين ايسه
يارين آندا قارشي گله
حاق شارابين ايچميش كيمي
يونوس ائمره بو دونيادا
ايكي كيشي قالير دئرلر
مگر خيضير ايلياس اولا
آب-ي حيات ايچميش كيمي
----------------------------
بير چيچك ايديم دونيادا
آچامادان قيريلديم
----------------------------
سن ده ايسته ردين ايشيقلانديراسان ائل يولونو
اولان اينسان ييخيلاندا توتاسان ساغ سولونو
الده ميفتاح-ي فضيلت چاليشيردين بلكه
آچاسان درده گيريفتار اولانين ال قولونو
اوستومه اسدي يامان يئل، نئجه كسدي خولومو
قيشا دٶنده ردي يازيم، قازدي قوپارتدي كولومو
ائل اوبا چوخ دا گليب آغلاييب اسكيلتدي غميم
ولي من چوخ سئويره م سنسيز اولاندا اٶلومو
------------------------------------
سن گئده رسه ن آدين قالار
دوستلار سني خاطيرلايار
دويون اولار، بايرام اولار
دوستلار سني خاطيرلايار
------------------------------
گليملي گئديملي دونيا،
سون اوجو اٶلوملو دونيا
----------------------------
ان سونوندا اٶلومدور سئوگيليم
ايسته ر
ييرتيجي اللرده اولسون
ايسته ر
گٶزلرينين ايسلاق ياتاغيندا
ان سونوندا اٶلومدور سئوگيليم
مطالب مشابه :
انواع قبر
ساده با يه سنگ قبر يا شايد هم بدون سنگ قبر . قبر عاشقانه : اين نوع قبر ها رو عموما براي كساني مي سازن كه خيلي مورد محبت بودن مثل مادر ، پدر، فرزند و . . .(از اشعار روي
مزار داشی شعرلری( شعر های سنگ مزار - ترکی)
مزار داشی شعرلری( شعر های سنگ مزار - ترکی). عزيزيم دويماديم سندن نه تئز مندن دويوب گئدين؟ اجل گلجك بو قوربتده منى يالقيز قويوب گئدين. (اوستاد شهريار).
متن سنگ مزار سروده شده توسط یعضی از شعرای آذربایجان
متن سنگ مزارها. از خلال ديوان اشعار شعراي آذربايجاني. رضا همراز. این خط جاده ها که به صحرا نوشته اند. یاران رفته با قلم پا نوشته اند. سنگ مزار ها همه سر بسر نامه ایست.
تورکجه شعرلر، مزار داشی اوستونه ( اشعار ترکی روی سنگ قبر )
ملکان اوشاقلاری (بچه هاي شهرستان ملکان ) - تورکجه شعرلر، مزار داشی اوستونه ( اشعار ترکی روی سنگ قبر ) - وبلاگی جهت انعکاس فرهنگ و تاريخ راستين ملت
شعر سنگ مزار ملک الشعرای بهار
شعر سنگ مزار ملک الشعرای بهار. تاريخ: ۹۲/۰۴/۲۳. در خوردن بشر،خاک از بسکه حرص دارد از سنگ قبر هر روز دندان نو گذارد!!!! سنگ مزار عاشق سرپوش نامرادیست این سنگ
شعر :
آن گنج نهان در دل خانه پدرم. هم تاج سرم بود همی بال وپرم بود. هر جا که زمن نام و نشانی طلبیدند. آوازه نامش سند معتبرم بود. شعر سنگ قبر ۲. قلبم شده رنجور زهجر تو مادر.
شکوه از مرگ پدر و مدح قائم مقام
گنجینه اشعار باختر - شکوه از مرگ پدر و مدح قائم مقام - ... بعد پدر از کرم مرا پدری کرد .... و این هم شعری است که بر روی سنگ قبر پدر بزرگ عزیزم نوشته اند : (خدایش
شعر های سنگ قبر
5 دسامبر 2010 ... كاغذ باطله هاي من - شعر های سنگ قبر - حرفهايي از آخرين ته برگ چكنويسم. ... گفتم که نه وقت سفرت بود چنین زود گفتا که پدر مصلحت حق در این بود.
به گور پدرم می‌خندم!
سنگ قبر پدرم، مشکل املایــــی داشت. از همین است به گور پدرم می‌خندم! ... نویسی را زیر نظر استاد «مهدی داوودآبادی» در «کانون نویسندگان» و دوره‌ی شعر کودک را زیر نظر
نوشته های روی سنگ قبر
24 ا کتبر 2012 ... پدر ، همان روحی‌ست که خداوند به کالبد خاکی زندگی دمیده است. زندگی اگر زنده ... شعری که پروین اعتصامی برای سنگ قبر خود سرود اینکه خاک سیهش
برچسب :
شعر سنگ قبر پدر