ابوزیه

قند خدهه وعسل صافي شفلها
وصلج بلسم اجروحي شفلها
قضيتي اتشربكت يسمر شفلها
شفلها اوصلك ايحل القضيه

---------------------------------------------

حبيبي اشما غلط وياي منفيه
أظل أشرب عذب سلسال من فيه
قلبي تسأل العذال من فيه
قلت هوَّ حبيبي الخان بيَّه

----------------------------------------------

صفنه الدهر ويا الشماته اليوم صفنه
وسوالفنه غدة وياك صفنه
بعد متلوك للحلوين صفنه
سوالف شوك كل صبح ومسيه

----------------------------------------------

بهجرك صفه بيتي دار ميات
وعندي من القصر والدار ميات
حبيبي شكثر ادزلك دارميات
ماشفت منك غير ابوذيه

-------------------------------------------

هجرك يا ولف صاير بلا حد
مثل سيف اليگص رگبه بلا حد
گلتلي انتظري اني ارجع بألاحد
اجه الاحد ويمتى تعود اليه