اشعار اقای دهقان نورانی ناطور

پیرعبّاس

پیرعبّاس نام کوهی بَر بالای روستایِ ناطور میباشد که زیارتگاهی

در نوک قلۀ این کوه از دیرباز قرار دارد و در آخر بهار قبل از شروع

فصل دِرو مردم روستاهای اطراف(ناطور- اَم آباد - زناب - شرف آباد

- کچل دره و ... )به آنجا می آیند و یک روز را با قُربانی کردن گوسفند

و ... خوش می گذرانند و در آخر با زیارت پیر به روستاهای خود بر

می گردند و از همان روز به درو محصولات خود می پردازند

شعری در وصف پیرعباس

عکس استاد دهقان نورانی

پیر عبّاسیم دوشدوم سَندن آرالی

سنی گورمیَنده رنگیم سارالی

فلکین اَلیندَن اورک یارالی

بو نه ایشدی گَلوب منیم باشیما

سلام یتور تُپراقیما ، داشیما

پیر عبّاسیم هاردا قالدی او ائللَّر

آغاردی باشلاری بوکولدی بئللَّر

گوتوردی سارانی آپاردی سئللَّر

یادیما دوشنده اورگیم دولور

قوریور باغلاریم ، چمنیم سولور

یاز اولاندا باغلار دولاردی گُلَه

گُل لَر آچوب ، بُلبُل گَلَردی دیلَه

خَلفه چایی آخوب گئدَردی نیلَه

خزان گَلوب ایندی او گُللَر سولوب

ناطیردا چوخلاری ایتیب،یوخ اولوب

گوزوم دولور من گئدَندَه او کَندَه

قوریوب دَرَه لَر ، سو گَلمور بَندَه

گُناه نه سندَه دی، نَه دَه کی مَنده

فلکین اَلیندَن ائلیم داغیلوب

سودچی گلوب،قویونلاردا ساغیلوب

پیر عبّاسیم یازدا زََمی اَکَندَه

بوغدالاری سَپوب ، یره توکنده

ناشیجونگَه،هریان گَلوب،چَکَندَه

اَلدَهچوبوخ هی ویراردیم جونگه نی

هؤگَل باشی اُورگَنَه او دونگَه نی

پیر عبّاسیم کاش او گونلَر اولیدی

دؤرت بیر یانون بوشالایدی،دؤلیدی

اُلَن لَرون ، اُلمیِیدی ، قالیدی

ائل لَر گَلوب اؤباسیندا دوشیدی

قُربان کَسیب،شوربالاری پیشیدی

آخیر یازدا کَتدَه گئدَللَّر پیره

هامی ایستَر او گون نَزیک پیشیرَه

چیخالّار بیچینَه ، بیچَللَّر گیرَه

نَه گوزَل دَب لَری واردی اورانین

دردی چوخدی یوخ درمانی بورانین

پیر عبّاسیم : زناب ، ناطور ، شرافا

اَمیر آباد ، کچل دَرَه ، اَم آوا

پیره گَلیب ، تاپاردیلا چوخ صَفا

دؤلاناردی هامی سَنون باشووا

اوز قویاردی تُپراقووا ، داشووا

او کَتلَرین اِنسانلاری یؤخدولار

دُنیالارین دَگیشَنلَر چؤخدولار

تُپراق آلتدا یاتوب ،گؤزی تؤخدیلار

سنده مَن تک رحمت اوخی اونلارا

گئینوبلَر کفن آدلی دؤ نلارا

پیر عبّاسیم غُربَت آلدی ائل لَری

غَم اَلیندَن آغارتدیلار تئل لَری

جَوان لیقدا اَگیلوبدی بئل لَری

ایندی وَطَن حَسرتی لَه یاشیریخ

دَرد و غَمی اورَکلَردَه داشیریخ

ناطیردا نَه گوزَل گونلَر واریدی

باغلار دولی آلما ، هیوا ، ناریدی

آخیر پاییز ، داغلار دولی قاریدی

ایندی گئدوب برکتی ناطیرین

اونی یوخدی پیشیرمَگَه شاطیرین

مَشَد عزیز ناطیردا بیر گولیدی

او گولی دی، چوخلاری بولبولیدی

ائلایچیندهحَقدانیشاندیلی دی

کَند ایچیندَه موشگوللَری آچاردی

شَرگؤرسیدیاوردان قؤیوب،قاچاردی

آلمالی باغیندان اَریک دَرَردیک

چونکه شَریکیدیک،شَریک دَرَردیک

دامین اوسته بؤلوب ،اونی سَرَردیک

قیشدا یِمَه لیدی اَریک شؤرباسی

چؤخ یِئمَکدَن بوشالاردی تورباسی

گونی دَرَه سیندَه بَرَه قوراندا

گِدَردیک باخماقا ، قاردا ، بوراندا

سَلمان قاغا سؤپاندینان ویراندا

سَس دوشَردی داغا ، داشا ، دَریَه

تولکو قورخوب گَلَنمَزدی بَریَه

پیر عبّاسیم سَنی چوخلار گوروبلَر

دوشلَرونده چوخ زَمیلَر سوروبلَر

قوجالوبلار،آغ ساچلارین هوروبلَر

ایندی یوخدی هئچ اولارین بیریسی

نَه نارینی ، نَه دَه قالوب ایریسی

بهار1389 ؛ دهقان نورانی

گئچَن گون لَر

خياليم قائيدير گئچَن گونلَرَه

بيچين اوستی بوغدا بيچَن گونلَرَه

اودوغی ، اَيرانی ايچَن گونلَرَه