گلچینی از اشعار ترکی آذری
ای فلک ياخچی بيزی درده گرفتار
ائلدين
وسط دايره ده نقطه ی پرکار ائلدين
گوروم ای چرخ فلک نظم و نظامين
پوزولا
نيه بس تهجه بيزي ياره گرفتار
ائلدين
زولفون داراماخ رنجيني من شانه ده
گوردوم
عشق آتشيني دهريده ديوانه ده گوردوم
هر نوع بشريله دولانوب هم قدم
اولدوم
مردانه صفت ملتي ميخانه ده گوردوم
گئجه لر آيه باخيب من سني ياد ايله ميشم
صبحه جان ياتماميشام فکر و خيال
ايله ميشم
گه ياتوب گه اويانوب بيله خيال ايله
ميشم
من باخان آيه خدايا گوره سن ياردا
باخر
اولموش گوزليم ماه رخون آيه برابر
مستانه گوزون نرگس شهلايه برابر
دونياني منه وئرسله سنسيز نه يه لازيم
هر بير باخيشين هر ايکي دونيايه برابر
گونده منه باش ووران ، ايندي منه داش وورور
ايندي منه داش ووران، اوزگه لره باش
وورور
اوزگه اگر داش وورا دردينه دوزماخ
اولار
باخ بورا سوز بوردادي، داشلاري
يولداش وورور
چوخ سعي ائلديم دوشميه بلکه ديله درديم
اما نه قيليم چاره کي ديلدن ديله
دوشدي
تک قويما گولوم شهرياري گل يئنه
يوخلا
بيردن گورسن تاپدي اجل فاصله دوشدي
قاشلارين اوخدي سنين
عاشيقين چوخدي سنين
من سني چوخ سئويرم
خبرين يوخدي سنين
الموش گوزلیم ماه رخین آیه برابر
مستانه گوزین نرگس شهلایه برابر
دنیانی منه وئرسله سنسیز نیه لازم
هر بیر باخشون هر ایکی دونیایه برابر
مرحوم صراف تبریزی
وصل
من ترک شراب لب يار ائيلديم اولدي
زهر غم هجريله مدار ائيلديم اولدي
اي شيخ بهشتي دئمه ترک ائيلييه ن اولماز
من ترک سر کوي نگار ائيله ديم اولدي
اؤز جانيني ترک ائيلييه ن اولماز من اؤزومدن
روحوم کيمي جاناني کنار ائيلديم اولدي
ممکن دگي بير محنته مين جان دؤزه اما
من جانيمي مين درده دچار ائيلديم اولدي
دانسته و فهميده خط و خاله وورولدوم
اؤز اؤز گونومو تيره و تار ائيلديم اولدي
هئچ کيمسه اؤزون خار و ذليل ايسته مز اما
من اؤز اؤزومو دهرده خار ائيلديم اولدي
عرفان نظربازي و رندي و ظريفي
عالمده خلاصه نکي وار ائيلديم اولدي
صرافه دئديم حکمتيلن يوخ وار اولانماز
گولدي دئدي باخ گؤر يوخي وار ائيلديم اولدي
شعری عاشقانه و بی نظیر از استاد شهریار
اذن وئر تــــوی گئـــــجه ســی من ده سنه دایه گلیم
ال قاتانـــدا ســــــنه مشــــــــاطه تماشـــــایه گلــــیم
سن بو مهتاب گئجه سـی سیره چیخان بیر سرو اول
اذن وئر من ده دالونـــــــجا سورونـــــوب ســـایه گلیم
منه ده باخدیـن او شهــــلا گـــــوزوله من قـــــارا گون
جراتیم اولمــــــادی بیر کلمــــــه تمنـــــــایه گلـــــــیم
من جهنـــــمده ده باش یاســــــدیقا قویســام سنیله
هئچ آییلمــــام کـــــی دوروب جنت مــــاوایه گلــــیم
ننه قارنـــیندا دا سنـــــله اکیــــــز اولســــــایدیم اگر
ایسته مزدیم دوغولوب بیـــــر ده بو دونیـــــایه گلیم
سن یاتیب جنتی رویاده گورنـــــــده گئــــــجه لــــــر
منده جنتده قـــوش اوللام کی او رویـــــایه گلــــــیم
قیتلیغ ایللر یاغیــــشی تک قورویوب گوز یاشیـــمیز
کوی عشقونده گــــــــرک بیــــــرده مصـــــلایه گلیم
سنده صحرایه مارال لار کیمی بیر چیخ نولـــی کی
منده بیر صیده چیخانلار کیـــمی صحــــرایه گلیـــــم
آلــــلاهوندان سن اگر قوخمــــیوب اولســـان ترسا
قورخـــــورام منـــــده دؤنــــوب دین مسیحایه گلیم
شیخ صنعان کیمی دونقـــــوز اوتــــــــاریب ایللرجه
سنی بیر گورمک ایچــون معبـــــد ترســــــایه گلیم
یوخ صنم! آنــــــــلامادیم، آنلامادیــــــم حاشـــــا من
بوراخیم مسجدیــــــمی سنـــــــله کلیسایه گلیم!
گل چیخاق طور تجلایه ســـــن اول جلــــــوه طور
منده موســــی کیمـــــــی او طـــوره تجلایه گلیم
شیردیر((شهریار))ین شـــــعری الیـنده شمشیر
کیم دیئر من بئله بیر شیـــــریله دعوایــــه گلیم!؟
ای قلم سوزلرینده اثر یوخ
آشناده ن منه بیر خبر یوخ
گلدی بو جمعه ده گئشدی الله
فاطمه یوسفینن خبر یوخ
یاندی پروانه لر شمعی سوندی
آیریلقدان اورک قانا دوندی
ای قلم سوزلرینده اثر یوخ
آشناده ن منه بیر خبر یوخ
گلدی بو جمعه ده گئتدی الله
فاطمه یوسفینن خبر یوخ
شانیده رتبه ده بی بدل سن
هر گوزل ده ن آقا سن گوزل سن
کیم دئیر آیریلیخ درده سالماز؟
عاشقین صبرینی الدن آلماز
ای گوزوم یولارا باخ داریخما
گون همیشه بولوت آتدا قالماز
شانیده رتبه ده بی بدل سن
هر گوزل ده ن آقا سن گوزل سن
غنچه گللر نه اندازه سولسون
قلبی لر قویما قانیله دولسون
گلدی بو جمعه ده گئلمدین سن
چون سایئیم جمعه دیگر اولسون
شانیده رتبه ده بی بدل سن
هر گوزل ده ن آقا سن گوزل سن
ای صفایی هله دوئز فراقه
یول سالاخ بیزده بیر جه عراقه
قلبیلر غصه ده ن داغلی قالدی
بولاری اولاره اوخودوم کی کربلانی هله گورمویوبدولر
یا امام زمان گئل آماندی
ای گوزوم یولارا باخ داریخما
ای گوزوم یولارا باخ داریخما
از منعم اردبیلی
مجنونون آدی ائيله که ديل ده ن ديله دوشدی
گوردی قالا بيلمير داخی چول ده ن چوله دوشدی
بير گول وار ايدی دوره چمنزار ايدی زيبا
آقشام چاغی گلدی او گوزه ل منزله دوشدی
گون باتدی غم آرتدی چولون آهولاری ياتدی
خول لار باشين اگدی او قده ر چلچله دوشدی
چرخين قارالان چهره سی کو کب له بزه ن دی
رخسار سياهه ائله بيل آبله دوشدی
اسدی اوبيابان ده بيربادغم انگيز
غم لر بورويوب آتش عشقی ديله دوشدی
صبح اولدی چمن گولدی شتر زنگی چاليندی
گلدی گولون اطرافينه بيرقافله دوشدی
اگلشدی له باهم دئدی لر وای بو نه حال دی
نيليم دئدی دوران دولانيب ايش بئله دوشدی
سوز دوندی دانيشدی بيری پول دان بيری مال دان
مجنونه آجيق گلدی بوسوزلر گله دوشدی
دوندی دئدی پول صحبتی عمری هدر ائيلر
اولدوزکی گوره رسوز پولوز ال ده ن اله دوشدی
بير سوز دانيشون کی ايکی دنيالره دگسين
بيرکيم دئمه سين کی بو سوزوز نافله دوشدی
هرلحظه دانيشساز دانيشين ليلی سوزونده ن
گولشنده گوروم بولبولوم هانسی گوله دوشدی
هرگون باخارا م عکسينه آئينه دل ده
صدحيف اولا مابينيميزه فاصله دوشدی
عشاق وطن جبهه ده غرق اولدی لا قانه
منعم وطن آواره سی چول ده ن چوله دوشدی
باغلیدور میخــانه لر ، مندن شراب ایستـــور کونول
چوکــدی ظلمت هر طرفدن ، ماهتاب ایستــور کونول
اوت دا یانماخ درسینــــی پروانه لــــردن آلمــیشام
امتحان ایــــــلور منی هر دم جواب ایستور کونول
اوت دوتوب عشقونـــــده هردم ذره ذره یــانمیشام
ایندی خاموش اتمه گه بیر قطره آب ایستور کونول
بو آچیخ دنیـــــــا منه زندان تار و تنـــــگ اولــوب
ماجراسیــــن یازماغا لوح و کتاب ایستور کـــونول
بس کی چوخ گزدیم دولاندیم روح و جاندان خسته یم
غمدن آزاد اولمــــاقا بیر لحظه خواب ایستور کونول
ایستیــــــور غمدن جفـــادن یا کی هجران نان یازام
دوشمه گه دریای عشقه چوخ شتاب ایستور کونول
یاگرک ترک ایلیم معشوقه نی یاجان ومالیمدن گئچم
بیـــــــر یامان اوضاعده منن انتخاب ایستــــور کونول
دوشمییر صحرایه هرکس تا کــــــه مجنون اولماسا
صادقــــــــا غملی اورکـــدن انقلاب ایستـــور کونول
دردیمین درمــــــانی سنسن بیرده بیر زیبا غزل
چوخ غزللریازمیشام بیر شعرناب ایستورکونول
چوخ جفا چکــــــدیم فراقونده منه یار اولمادون
آفتـــــــابه پرده چکـــــدون آفتاب ایستور کونول
علی آقا واحد ، واقعاً روحت شاد ، شوشامون حال اومد
سن سیز ای شوخ منیم خوش گذرانیم یوخدور
سن کی یوخسان ائله بیل جیسمده جانیم یوخدور
عشق پروانه سی یم ، غم اودونا تابئم وار
خسته بولبول کیمی هر لحظه فغانیم یوخدور
بو یامان گونده منیم تکجه اؤمیدیم سن سن
سن سیز هئچ بیر کسه عالمده گمانیم یوخدور
صبر و آرامیمی الدن ، غم هجرانین آلیب
بیرده غم چکمه گه جیسمیمده توانیم یوخدور
حاضیرام جانیمی عشقینده فدا ائیله مه یه
قسم او جانینا بیر ذره یالانیم یوخدور
واحیدم آتش حسرت ، بورویوب دور و بریم
یانیرام حالیمه بیر قلبی یانانیم یوخدور
هر عاشق اولان عشقه گرفتار اولابيلمز
هر خورما ساتان ميثم تمار اولابيلمز
مخلوق خداوند اوزونه اولميان عاشيق
حق عاشقه تك صاحب ايثار اولابيلمز
دونيا مالونا شهرتينه وورقون اولانلار
انفاق ايلهمز طالب ديدار اولابيلمز
ماموره اگر رشوه يماخ اولماسا عادات
مظلوملارين قاننه ظالم سورا بيمزا
ميمون تكين هر سوزه تقليد ايلينلر
انديشه اديب صاحب افكار اولابلمز
صابر يمه غم هر گونين ئوز قصه سه واردور
مفرق پاراسه گوهر شهوار اولابيلمز
بیزلر
هئچ شمع ایله رام اولماز ، پروانه لریز بیزلر
زنجیره باش ائندیرمز ، دیوانه لریز بیزلر
دنیاایله صورت ده وار اولفتیمیز اما
معنی ده بو عالمدن بیگانه لریز بیزلر
هرگز سه سیمیز چیخماز ، هئچ کیم دیلیمیز بیلمز
هرچند کی دیلداره افسانه لریز بیزلر
یوخ طاقتیمیز اما ، فارغ ده ییلیک قوسی
اول ماه بت ایچین دیر بت خانه لریز بیزلر
قوسی تبریزی
مطالب مشابه :
لینکهای اشعار ترکی - آذری
حدیث همراه - لینکهای اشعار ترکی - آذری - لینک وب سایت و وبلاگهای
گلچینی از اشعار ترکی آذری
هرگز نگو دیر است - گلچینی از اشعار ترکی آذری - چمنی دیدو هوایی خوش و پروازی کرد . . .
مجموعه اشعار آذری برای موبایل با فرمت جاوا
آنا یوردوم آذربایجان - مجموعه اشعار آذری برای موبایل با فرمت جاوا - موسیقی , فرهنگی , اجتماعی
اشعار متفرقه به زبان اذری
عاشقانه احساسی رمانتیک - اشعار متفرقه به زبان اذری - بزرگترین وبلاگ احساسی رمانتیک
دانلــــــــــــــود آهـــــنـــگ آذری
روستای شمس آباد - دانلــــــــــــــود آهـــــنـــگ آذری - اشعار ترکی"شعیرلری هاوادان"
اشعار ترکی
به یاد مادر - اشعار ترکی - این وبلاگ برای مادران ,پدارن از دست رفته میباشد .
برچسب :
اشعار آذری