قاراداغ - محمد گل محمدی
باش بولاق اورتا قجللی قارالار یایلاغینی
مرد ایگیت میدانینی طُرفه گؤزل اویلاغینی
داغئنی اسلانینی سرت قایادان لانه‌سی ام
قاراداغ اؤلکه‌سینین گؤر نئجه دیوانه‌سی ام
منی مفتون ائله‌ین ورزقانین هئیواسی دیر
کیوانین آغ قیزیلی، مینجوانین بوغداسی دیر
بیر کلیبر زوغالی، بیرده اهر آلماسی دیر
اوشتبین آغ نارینین قیرمزی شاهدانه‌سی ام
قاراداغ اؤلکه‌سینین گؤر نئجه دیوانه‌سی ام
بسله‌نیب تای حجره هر قارا گؤز قیز گلینی
وئرمه‌ییب هر اؤتن اغیار الینه پاک الینی
وئرمه‌رم یوز لادانا آی بنیزین بیر تئلینی
گول خانیم نازلی صنم گول پری، گول دانه سی ام
قاراداغ اؤلکه‌سینین گؤر نئجه دیوانه‌سی ام
بو ائلین صنعتینه،حکمتینه باش اوجادیر
چون جوان عاشیق حسین تک اولو شاعیر یارادیب
افتخاریم او مرام عاشیقی صنعت‌کاری‌دیر
شاهدین داش اولان اوچ قارداشین افسانه سی ام
قاراداغ اؤلکه‌سینین گؤر نئجه دیوانه‌سی ام
سای حساب‌سیز بیلیرم کئچمیشینین قهرمانی
بیر مثل چون او وطن خادیمی ستارخانی
نبی تک چوخدو بئله خان بیه، قان اود دورانی
عاشیقی هر تکی‌ام قربانی هر دانه سی ام
قاراداغ اؤلکه‌سینین گؤر نئجه دیوانه‌سی ام
شعر گنجینه‌سی‌دی اوستاد عاشیق مسکنی دیر
خزرین حجمی قدر فولکلوریندان غنی دیر
شاعرین ایلهامی گؤم‌گؤی چمنی، گولشنی دیر
خان چوپان قوشماسی‌نین اینجه‌سی دردانه‌سی ام
قاراداغ اؤلکه‌سینین گؤر نئجه دیوانه‌سی ام
صحبت آچدیمسا دئیم تئللی سازین قدرتینی
مین کؤنول‌لر داشییر معنوی ائل ثروتینی
میللته دیل‌غمی آتدیقجا آنار قدرتینی
خان کرم مجلیس‌ینین غم ائوی غم خانه‌سی ام
قاراداغ اؤلکه‌سینین گؤر نئجه دیوانه‌سی ام
بیر زامان باسقی ائدیب شاهلیق ائد‌ن‌لر ائلیمه
خور باخیب‌دیر بایاتی قوشما گارایلی دیلیمه
او سبب‌دن چکیلیب غم سِگاهین زابلیمه
بیر شکسته قره‌باغ ماهنی‌سنین زیل سسی ام
قاراداغ اؤلکه‌سینین گؤر نئجه دیوانه‌سی ام
دئیرم بیرده گؤره‌یدیم او گؤزل چاغلارینی
تویلی بایراملی بوتون کندلی اولماغلارینی
بهمن افسون ائده‌ن نغمه‌لی یئغناغلارینی
مرادین چالدیغی اول تئللی سازین شانه‌سی ام
قاراداغ اؤلکه‌سینین گؤر نئجه دیوانه‌سی ام
خالقینا ائتسه ستم ظالیم آغیر گون گوزاران
عکس ائدر ماهنی‌سینا شعرینه نیفرت‌له اینان
ارتجاع ریشه‌سینه اودلو قلم ضربه ووران
ستارین سرمایه شعرینده‌کی تازیانه‌سی ام
قاراداغ اؤلکه‌سینین گؤر نئجه دیوانه‌سی ام
دینله اشعاریمی ای خالقلارا ظلمت توره‌دن
ایسته‌یب هر بیر عوام خلسه سایاق عقلی گؤده‌ن
بابکین اؤلکه سینه سورسه خلافت یئنی دن
شمشیره ال آپاران شاعیره مردانه‌سی ام
قاراداغ اؤلکه‌سینین گؤر نئجه دیوانه‌سی ام
محمد گل محمدی
مطالب مشابه :
قاراداغ - محمد گل محمدی
تعبیر خواب. قاراداغ - محمد گل محمدی. باش بولاق اورتا قجللی قارالار یایلاغینی. مرد ایگیت
خواص گل محمدی: ضد استرس و ضد افسردگی
گل محمدی در ایران معمولاً در مناطق مرتفع و خشک کشت می گردد تعبیر خواب. عشق
تعبیر خواب کچلی!!!!!!!!!!!!!
تعبیر خواب کچلی!!!!! عده‌ای معتقدند که چنین خواب (عباس محمدی) گل نرگس (علیرضا حاج پور)
ژرانیول،الکل ترپنی گل محمدی و گل سرخ
اسانس گل محمدی ، مایعی است فرار ، بیرنگ ، یا زرد رنگ ، نیمه جامد ، در 20 درج ه سانتیگراد مایع
تیم جنجالی بوکس پیوند تهران بهمراه سر مربی طغیان گرش عیسی گل محمدی
و البته فداکار و متعصب این تیم می دانید این چهره کسی جز عیسی گل محمدی نیست. تعبیر خواب
سفری عرفانی
این وبلاگ درباره خانواده بزرگ حاج حسین جان گل محمدی (بزرگ خاندان گل محمدی) تعبیر خواب.
خواص دارویی گل محمدی:{کیهان}
تعبیر خواب. گل محمدی مقوي روح، نشاط آور، ضد افسردگی است گلبرگهاي گل محمدی براي درمان
برچسب :
تعبیر خواب گل محمدی