بیوگرافی وگزیده ای ازاشعارحاج نوذر رضایی(شاعرقشقایی)

حاج نوذر رضايي فرزند مرحوم صفر ازتيره رضا كانلو ازطايفه رحيمي قشقايي است .اودرسال 1328ه.ش درايل متولد شد درسن هفت سالگي به مكتب راه يافته وبه مدت سه سال نزد ملا خواندن ونوشتن به سبك قديم را آموخته است ودرسن ده سالگي پدرش فوت كرده واودركنار مادري محجوب ومؤمن پرورش يافته وبا همه سختي ومشقت ،با سرپرستي مادر به زندگي خويش ادامه داده است ودرسن 12سالگي دل غمگين خود را با سرودن اشعاري دل انگيز ،غم زدايي مي كند.ازآن به بعد كم كم شيفته ي شعر وشاعري شده تا سرانجام درسن 19سالگي عشق آتشين اوشعله ور شده واشعاري عارفانه ودرمدح فرهنگ وسنت اصيل ايل قشقايي سروده است واكنون دربيشتر محافل وكنسرت هاي قشقايي ازوجود ايشان استفاده مي شود.وي ايلياتي اصيل ومتعصب وپايبند به باورهاي مذهبي وسنتي وسخن گفتن به زبان تركي ناب ميباشد وبيشتر فاميل خود را تشويق وترغيب به صحبت كردن به زبان تركي قشقايي بدون استفاده ازكلمات فارسي مي كند ومعتقد است كه يكي ازاركان بنيادي واستوار قشقايي بودن ،سخن گفتن به زبان مادري تركي است. وي شاعري خوش ذوق وداراي طبعي روان اشعارنغزي درمورد فرهنگ وسنت وهمچنين دروصف عظمت وشكوه وجلال ايل قشقايي سروده است .

ســـلام

مـندن ســــلام بـو مـجلیـسه بـو ائـلـه مـــندن سـالام بـوفـرهـنـگه بـو دیــله

مـندن ســلام چـیـچگــلـره یـارپـاغـا مـنـدن سـالام ائـل قایم اولان تورپاغا

مـندن سـلام شـهـیـدلـرکـی آدی یوخ مـجلیسلرده سـؤزلری یوخ آدی یـوخ

مـندن سـلام قـشـقـایـونـیـنـگ ائـلینه مـندن سـالام ائـلـیـنگ شـیرین دیلینه

آغيـــــر ائـــل

بو اؤلــــــكيه ايـــاق باســان ، چاغـــنان اوجــــه باخـش ترلانودونگ آغيرائل

گؤللـــي دوزلرنن ،گــؤي گـــؤي داغنان ياخچـــي دوران ســؤرندنگ آغيرائل

چؤللرينگ ويلاسي ،چادرنگ يوردونگ اؤزنگدن سلطاننگ ،اؤزنگدن اردونگ

اؤزگـــه لر دؤوشـــنده دايانب توردونگ قورخـو بيلـمز،آصلانودونگ آغير ائل

اؤزنــــگه،اؤزگـــيه سورفـانـگ آچـولي قورخــولو، كيمـسـيه، آرخانگ آچولي

گؤجـــلـي لر بوينـونا بؤرقــانـگ آچــولي گؤز حســـابا، ســالانــودنگ آغيــرائل

ســـندن تــوردي قــوچ اگــيدلر،رشــيد دار ايــلخانـي،ايـل بگي، قورخمايان سردار

بيـــر بـلـلــي آدوســــان بوئيـــك افتـــخـار ســــن يـادگـــار قويـانودونـگ آغيرائل

آتكــــده بســــلد دنــگ سـن جــاني خــاني آدي بــلـلـــي،قــليـج چــالان ايـلخاني

ورد فــارســا ، خــــوزســتـانـا ، فرمـاني هامـــو ائـــله سـلـطانودونگ آغيرائل

ياخـچـي اؤگـود وردنـگ اوسـهراب خـانا قؤيــــــــدي، فرنـگ قشــــونوني يامانا

اوول گـــؤنـدن دايـــا غــودونـگ ايــرانا ووران، دوتـــان ، قوآنودونگ آغير ائل

حــق آيــتـــي جــهـانـگيـرخـان آشـــدي آد محضـــرندن ،چوخ كيـم ،بؤلدي اجتهاد

اصــفــهان شــــهرنــده بيــر بويوك استاد ســـن مظـهر ايـمـانودونـگ ،آغيــرائل

صــولـــت الــدولـيـده فارسـونگ باشونده بل دؤز اتــــــدي انـگلســتان دؤشنده

قورخـــــماز اگــــــيدلــري كـفر سواشنده حق يــولونا ،وورانــودونـگ آغيرائل

چـــوخ شاعــرلــر ســــندن تـوردي اياغي خوب ايرلر، ماذوندن قالموشدور باقي

يوســـف خســرو، نعمت ، عشقه دوساغي ذوق اونــي وورا نـودونگ آغيــرائل

آپـــارده ناصــــرخان ســـيـاســت ايـــشـه چـــرچيل ، اسـتالين ، ال دوتدي ديـشه

حقـــي ايــچــون ،ســـورتــوران هــميشه آچوق سؤزلر ، چالانـودونگ آغير ائل

شــــهرت بـولان اگــيد لـگده خســروخان دوش ســــالدي ،طاغوتنان چـوخ زمان

بـويـولـدا، لايـلادي ،مــــال ومـلـك وجـان آزادلـــگه ،قربـانـــودونـگ آغيــر ائل

بهمـــــن بيــگـــي وجـودوندان ، دوتدي ياد خان، رعيت ،چوپان،دارغا، چوخ سواد

مــــــدال اتـــدي، يـونـوســـكـودان سـنه آد خـــوب افتــخار بولانودونگ آغير ائل

ياغــــار شادلوق ،مجــلســنگدن ،كؤچر غم گرگين پور حبيب خان ،سه تار چالان دم

فــــــرود، وورر ، ويالــــونا زيـر وبم دار گونـــگل لري ،آچانودونگ آغيرائل

نــــــــوذر ائــــل لــگــنــگـه ،افتــخار ادر قشـــــقايـي اگيـدي جان و مال نـــدر

عـــــزتلـي اؤمــومينـــگ ،آلــنـدان گــدر ذلـلـتنـــن، يا مــــا نودونگ آغيـر ائـل

عشـــق اولمـاسایدی

اولــمــاســـایــدی عــشــق ازلـدن وجوددا هئچ کیم دینیب هئچ کیم جانـان ده مـزدی

اولاری کـی گـئـجـه گــونـدیـزسـوجـوددا عشـــــــق الـنـدن امــان امــان ده مزدی

کـیـم تـوریـردی یولداش حالون سوروشا هئچ دیریلیگ شوقوندان گتمه زدی باشـا

مــــاذون گـویـنـی دوشمـه زه دی قروشا ســــودیــگـیـنــه دیـن وایـمــان ده مزدی

حـــــافظ اوره گـیـنـدن گتمه زه دی قرار چــیــلــخا ســـؤزی قــالـمـازه دی یادگار

قـیـنـه مــــزدی آدی بــلــلــی شــهــریـار شـاعـــر اولوب شــعر عرفان ده مزدی

اولـمـازدی آیـریـلـیـق بـولـونـمازدی غم آلــــوشـــوب یـانـمـازدی اصـلـیـنن کرم

داسـتان اولـمـازدی غـریـب شـاه صـنـم یوسف خســــرو بوقاد سولطان ده مزدی

سـسـلـنـمـزدی بـولـبتول هئچ گلستـاندان شـــیرین کـوچـمـه زه دی ارمـنـسـتانـدان

لـیـلــی یـازمـازه دی خـط دبـسـتـانــدان مــجــنــون داغ ودوزه مــکـان ده مــزدی

زلیــــخا ائـدمـه زیـدی خــلــوت اتـاقـی گــــــؤزل یـــوســف اولمازه دی دوساقی

فرهــاد اون ائدمه زدی داش وتـورپاقی بـاشــی یــار یــولــونــا قوربان ده مزدی

بــیـــری عــاشـیـق اولورشیدا گـؤزه له بـیـری قـارون کـــــیـم عـاشـیـق قـیـزیـله

نـــوذرگـونـگـول ورمـه سـیدی بوزائله یـــیــلاقــدان قـیـشلاقدان یولدان ده مزدی

ائلــلـریـاد اولـسـون

دولانـیـب بـاشـیـمـدان گـچـن آی وایـل خـــوشـــا گــچــن آی ایـلـلـر یاد اولسون

سحـرچاغی گؤی چؤلـلردن کؤچن ائل ایـنـاق گـــدن آغـــیرائـلــلـریـاد اولــسون

یـازلاری کـی قـریـشـیـردی بئلیگ لار بـیـربـیـرینـان دایـانـیـردی مس لـؤک لار

ائــلــی قـَبـَل ائـدن ایـنـچـه گـدیـگ لار گد دیـگـیـمـیـز شـولوغ یوللر یاد اولسون

تفنگ چی یورد چی لار،آتلاری یاغی بزه نـن گـــلاهــــلار بــاشــدان-آیـاقـــی

خـوب قونولغا سرینگ چای لارقراقی اؤزلـگـیـمـیـز دنـگـیـزگـؤلـلریاد اولسـون

قـوش ائدن آتـلی لار،توز ائدن یال لار اوایـنـچه ایگـیــدلار،آرخـالـوق شــال لار

آیایدین گـئـجـه لـر،یـازگـونـی یول لار گولـسـتـانـدان اسـن یئـلـلـریـاد اولــســون

صـفالی گـؤی داغلار شکال دن دولی سســلـنـن کـیـلـیـگـی،اؤتــن بـولـبـولـــی

رَیـلارده سـان وئـرن پـازانـلار گـلـی اوچــه لار اوتــوران کـمـلریـاد اولسـون

جـوانـلـیگ چـاغلاری گـؤزل یارینان صـــفـالـی مجـلـیـسـلریـولـداشــلاریــنان

نـــوذر،گـچـدی گـونـلـرخـیال لارینان یاخچی سؤزلر،شیرین دیللریاد اولســون

قطعه شعر ذیل در وصف حاج نصیر قشلاقی رحیمی سروده شده است

خــوب كـيـمسه دن تـعـريف اولور اؤلــنده يــاخــچي ديــر تعريفي ديرليگدن ده ينگ

كيـمـسه يـی كــي عــزت واري ائـلــيـنـده يـازاسـينگ حالـيندان خوبليگدن ده ينگ

چكه سينك دوغري سؤز،اوره گ اوستندن يـازاسيـنگ دونـيانـينگ خوب وپئسيندن

نـصـيـر قــشــلاقــي، ائــل كيشيسي ندن طــايـفـايـا ائدي گي قـولـوقدان ده ينگ

سويله ينگ سؤزلري خــوش اخلاقيندان مــجــلســده خوب دئـيــب دانـيـشماقيندان

گــچــن دورانـــلاری مـصـاف چــاقـونــدان دوشمنن دويوش ساليـگدن ده ينگ

يــاخــچـــي رفــتــاريـنـي ياخچي ايـشـيني خلق ايچي باش ائدن توسان قيشيني

دار يـــرلــــرده دايــاغ ائــدن دوشـونـي جاني دوست يولونا قويديگدن ده ينگ

آلــچـــاق گــونگـيليندن ، خوش غـيـرتندن پئسه، خوبليگ ائدمگ، خوب مروتندن

قـــــورخـــولو چــاقـيــلار او جــرأتـنـدن قورخمايان،حق سؤزي چاليگدن ده ينگ

نــــوذر ائـــدر بـــو وجــودا افـتـخـــار خــوب كيمسه دن خوب آد قالير يادگار

اولماز چالانگ، ديل اوجونده هر سؤز وار نــه خـوبـديـر سؤزلري اولدوگدن ده ينگ

بیوگرافی وگزیده ای ازاشعارحاج نوذر رضایی(شاعرقشقایی)

مطالب مشابه :

آهنگ حجله(پروانه) تقدیم به روح پاک جوان ناکام حسن سدیدی

عکسهای خنده دار عکس خنده دار

تصادف در جاده خور- فرخی

حوادث

جملاتی آرام بخش برای آنها که عزیزی را از دست داده اند

جاده چمستان و کوتاهی مسئولین باز هم جان جوانی را گرفت ...

بیوگرافی وگزیده ای ازاشعارحاج نوذر رضایی(شاعرقشقایی)