شعر آذری از آزاده دارایی

او گؤزه ل منظره سي، بئهيشته بنزه ر هاواسي

او سرين درديمه درمان سويونا قوربان اولوم
يئل اسه نده اوجا بوي آغاجلارين اويناماغي
آغ بولودلاردان اوچان دورناسينا قوربان اولوم
گون چيخاندا او طراوتلي آغاجلار باشينا
گون آشاندان سورا گؤيچه ك آيينا قوربان اولوم

********

گؤره ن آللاه! وطنيمده كيم اؤلوب كيمسه قالوب
نوجاوانليق زامانين تاي توشونا قوربان اولوم
فيكري رٶوشن اولانا، شئعر-و ادب آنلييانا
بير به بير عئلم-و هونرپرورينه قوربان اولوم
بي ريا مؤمونونه، ساده موسلمانلارينا
اوره يي پاك اولانين ايخلاصينا قوربان اولوم
قوربت اورگه تدي منه هموطنين ارزيشيني
پيسينه، ياخچيسينا، هاميسينا قوربان اولوم
هر نه ايمانلي شرفلي موتعههيدلرينه
بير به بير تر تؤكه ن اينسانلارينا قوربان اولوم

*******

نئجه لذذتلي زامانلار، نه شيرين خاطيره لر
اؤلكه مين صولح-و صفا اييامينا قوربان اولوم
دانيشاندا او شيرين توركو گؤزه ل لهجه سينه
ائليمين سئويملي گؤيچه ك ديلينه قوربان اولوم
نه قده ر وصف ائيله سم زنگانيمي آز ديميشه م
او صفالي يارادان آللاهينا قوربان اولوم
فاصيله محو ائده بيلمه ز بو گؤزه ل مٶوهيبتي
جان كيميندير، من او جان پاره سينه قوربان اولوم
سن ده «آزاده» لال اول چون وطني ترك ائيله دين
سورادان داش آتيران توپوقينا، قوربان اولوم

سراینده : آزاده دارایی

مطلب ارسالی:آقای محمد علی ملک

شعر آذری از آزاده دارایی

مطالب مشابه :

شعر آذری از آزاده دارایی

ادامه نمونه سوالهای تستی حسابداری تکمیلی

اعلام بودجه بندی فصول جهت آماده سازی مقاله های مدیریت رفتار سازمانی(پاور پوینت) دکتر دارائی

حسابداری استهلاک

خاصیت گیاه« گزنه» و «چای کوهی» (توکلیجه)و«مرزه»و«كاكوتي»