وفات حضرت ام البنین(س)ترکی
وفات حضرت ام البنین(س)ترکی
زوجه ی شیر خداوند وحید
فاطمه، امّ ابوالفضل رشید
ویردی ترتیب اول ستم کش دورت مزار
هر بیری بیر نوجوانه یادگار
ایتدی قبرستاندا دائم مسکنین
عرش اعلایه اوجاتدی شیونین
یاد ایدردی اوز عزیز جانلارین
تشنه لب جاندان گیچن اوغلانلارین
وای اوغول وای دلده، گوزده اشک ناب
یثربین اهلینه ایلردی خطاب
حالیمی بی حد پریشان ایتمیون
رحم ایدون گوزیاشیمی قان ایتمیون
اولمیون راضی اولوم چوخ دل کباب
ایتمیون امّ البنین آدی خطاب
سویلینده سیز منه امّ البنین
آرتیرور بو آد منه شور و انین
یادیمه قهراً دوشور اوغلانلاریم
قوّت روحیم عزیز جانلاریم
واریدی دورت سرو آزادیم منیم
اونلاریله خاطر شادیم منیم
نه روادور بیر اوغولسوز مادرین
سسلسونلر آدینی امّ البنین
وای منه ایوای بلالی قلبیمه
وا اسف ایوای یارالی قلبیمه
نقل ایدولّر کربلادن بیر خبر
بو خبر ایلور منی شوریده سر
اوغلوم عبّاسین دیولّر اهل شام
اللرین قطع ایلیوبلر تشنه کام
ای منیم شیر اوغلوم، ای آرام جام
ای آدی عبّاس، اوزی شیر ژیان
من ایشیتدیم بیر ستمکار عنود
کربلاده ووردی باشوندان عمود
سنکه دعواده آجیقلی شیریدون
صاحب سرپنجه و شمشیریدون
واریدی کیمده جسارت برملا
سن کیمی شیره ایده بیله جفا
الده گر اولسیدی شمشیرون سنون
ایلینمزدی جسارت دشمنون
بس بیله معلوم اولور قوم شریر
اللرون کسمیشدی ای شیر دلیر
تا حیاتیم وار بو دنیاده ملول
وا ابوالفضلا دیوب یانّام اوغول
قولینه فعلیله بانوی جهان
ویردی دنیاده غریبه امتحان
جان ویرونجه ایتدی افغان آغلادی
توکدی گوزدن خون دل، قان آغلادی
یثربون والیسی مروان شرور
جنب قبرستاندان ایلوردی عبور
گوردی بیر عورت ایله فریاد ایدور
وای اوغول وای دلده آه و داد ایدور
شش جهاتی دولدوروب شیون سسی
پارچالور قلبی فغان و ناله سی
سویلدی کیمدور بو سینه داغلوری
هانسی ثکلا اوغلونا قان آغلوری
ویردیلر اول سنگدل شومه جواب
بو بلا همخانه سی خانه خراب
بوترابه زوجه دور امّ البنین
مادر عبّاس فُهل بی قرین
شمریدن آرتوق شقی مروان دون
گوزیاشین توکدی، غمی اولدی فزون
بیر بیره چالدی الین اول نابکار
سویلدی امّ البنینون حقّی وار
واردی تا دنیا یوزینده کائنات
دوغماز عبّاسین نظیرین امّهات
ای بنی هاشم آیی کان ادب
وی اولان باب الحوائج منتخب
من حسینی ناخوشام هم بی کسم
دامنون محکم دوتوب ویرّم قسم
بیر حسین اول شاه دینین جانینه
بیر آنان امّ البنینون جانینه
ایسته اللهوندان ای کان وفا
بو مرضدن تیز منه ویرسون شِفا
اوچ آیی گیچدی ملول و دلغمین
بیر تصادم ایلیوب خانه نشین
نه سنق چی باش تاپور نه بیر طبیب
باری سن لطفوندن ایتمه بی نصیب
تا شِفا ویرسون خدای لایَنام
آستانوزده ایدوم خدمت مدام
مطالب مشابه :
حضرت زینب(س)-مدح و ولادت
دنیای اشعارمذهبی - حضرت زینب(س)-مدح و ولادت - بزرگترین پایگاه متن سبک وشعرمذهبی .کربلایی
شورسینه زنی همراه سبک.شهادت امام حسن عسگری(ع)
دنیای اشعارمذهبی - شورسینه زنی همراه سبک.شهادت امام حسن عسگری(ع) - بزرگترین پایگاه متن سبک
شهادت حضرت زهرا(س)-ترکی
دنیای اشعارمذهبی - شهادت حضرت زهرا(س)-ترکی - بزرگترین پایگاه متن سبک وشعرمذهبی .کربلایی
حضرت ام البنین(س)-وفات
دنیای اشعارمذهبی - حضرت ام البنین(س)-وفات - بزرگترین پایگاه متن سبک وشعرمذهبی .کربلایی
اشعاروفات حضرت ام البنین(س)
دنیای اشعارمذهبی - اشعاروفات حضرت ام البنین(س) - بزرگترین پایگاه متن سبک وشعرمذهبی .کربلایی
وفات حضرت ام البنین(س)ترکی
دنیای اشعارمذهبی - وفات حضرت ام البنین(س)ترکی - بزرگترین پایگاه متن سبک وشعرمذهبی .کربلایی
حضرت ام البنین(س)-مدح و مصائب
دنیای اشعارمذهبی - حضرت ام البنین(س)-مدح و مصائب - بزرگترین پایگاه متن سبک وشعرمذهبی .کربلایی
زمینه-حضرت زهرا(س)
دنیای اشعارمذهبی - زمینه-حضرت زهرا(س) - بزرگترین پایگاه متن سبک وشعرمذهبی .کربلایی وحیدشریفی
اشعاروفات حضرت ام البنین(س)ترکی
دنیای اشعارمذهبی - اشعاروفات حضرت ام البنین(س)ترکی - بزرگترین پایگاه متن سبک وشعرمذهبی
سبک نوحه وفات حضرت ام البنین(س)
دنیای اشعارمذهبی - سبک نوحه وفات حضرت ام البنین(س) - بزرگترین پایگاه متن سبک وشعرمذهبی
برچسب :
اشعارمذهبی