شعري از سيد يعقوب ماهيدشتي
دله دامه‌ني<?xml:namespace prefix = o ns = "urn:schemas-microsoft-com:office:office" />
دله دامه‌ني،دله دامه‌ني هي دل گيروَردَ‌ي حلقه‌ي دامَني
هَر كام مَويني هَر ناكامَني هر كار مَكَري هَر بدنامَني
مِن هر دوا كَم تو هر زامَني تو تا كي نه فكر سَوداي خامَني
هرگز خيالت ساتي جَم نيَن پاي خُصه و خيال له لات كَم نيَن
چو دنيا دَسِت وه يَكدَم نيَن صراحيت نه صَوت زير و بَم نيَن
هر كار مَكَري هر بَد نامَني تو تا كي نه فكر سَوداي خامَني
فرهاد پَي شيرين،مجنون پَري ليل ئي پاي بيستون،ئو صحراي دُجَيل
سَنان و زاري پي زن و اُوَيل ورقه پي گلشاد بگردي چون سَيل
لي عاشقانه تو چون كامَني تو تا كي نه فكر سَوداي خامَني
گا پروانه‌ي دَور شمع جمالاني گا همراز راز كمر لالاني
گاهي سكوتي گاهي نالاني گا چون اَودالان ويل مالاني
نه بي قراري نه آرامَني تو تا كي نه فكر سَوداي خامَني
شيرين مَويني حسرت باريتَن تلخي مَويني شين و زاريتَن
زشتي،زيبايي،بي قراريتَن پس تو چه درمان درد كارتَن
من هر دوا كَم تو هر زامَني تو تا كي نه فكر سَوداي خامَني
اي دل پي جيفه حسرت مَوازي جيفه پيدا كَي پي چيش مَبازي
چون هر ساعتي وه يَي مجازي دنيا پيت بيَن نَمَوي راضي
ار رنج ار راحت هر سر سامَني تو تا كي نه فكر سَوداي خامَني
دله لَت لَت باي چون نيل سر خَم دس تمنا كَر ويانه‌ي مردم
هر چي هاواران وه لات آوردم چني گناهان سالان سر كردم
جه راسي وحشي پي بدرا مَني تو تا كي نه فكر سَوداي خامَني
آه له خيالان مَويرو نه دل چو نوفل نوشام زهر هلاهل
چون طي مَكَري راگه‌ي بي حاصل نه خاصان شرع تا كَي مَكَي سل
هواخواي لذت چَن بي طامَني تو تا كي نه فكر سَوداي خامَني
دله كُت‌كُت باي چَن خيال پيتَن ديده هي كور باي كُل گُناي ويتَن
توشه‌ي بدنامي راي نهات ريتَن مَر نَمَزاني سال لَحَد جيتَن
بوم بد عمل تخته‌ي بامَني تو تا كي نه فكر سَوداي خامَني
ار تو نَكَري سير زلف و خال دل و وسپرده ي چو هكه‌ي خيال
ورك نه كَي پري ليمو چون منال ار روژ بو وه سي هزار بو وه سال
وينه‌ي عارفان دور وه كامَني تو تا كي نه فكر سَوداي خامَني
هي دل ار گنج زمانه‌ي فاني تخت سليمان تاج كياني
محبوب چون شيرين زليخاي ثاني پريت باورن پَي شادماني
آخر عاقبت بي انجامَني تو تا كي نه فكر سَوداي خامَني
گا شادماني گا غمناكني گا خوفناكي گا بي باكني
گا مير مدهوش پر ادراكني گا طفل نادان خوَش وه خاكَني
گا فكر عراق گا له شامَني تو تا كي نه فكر سَوداي خامَني
ار فكرت راحت مال و عيالَن راحت پي اولاد آدم مَحالَن
هر كَس بواچو راي دل بَطالَن واچان« سَي ياقو» ابله خيالن
هر كام مَويني هر ناكامَني تو تا كي نه فكر سَوداي خامَني
شعر دو
سيد يعقوب ماهيدشتي
زليخام چينش
زليخام چينش زليخام چينش چين چين و پا چين له بان چينش
هَي هَي جو حيان خياطه‌ي چينش به به ژَو شعاع شوق جبينش
احسن لَو بالاي نيشَكرينَش آفرين وه صنع حُسن آفرينش
رو رو لَو گوناي لاله‌ي بهاري وَي‌وَي لَو لوان پرده‌ي گُلناري
خاص خاص وه‌و خالان لاجَوردكاري فغان وه زِنجان پر له مِرواري
فرياد وه خنده‌ي شكر قرينش آفرين وه صنع حُسن آفرينش
وه وه وه گردي فنجان زنجَش خال اختر آسا نَصبَن له كُنجَش
بيداد وه زردي زَوج تُرَنجَش پنهان وه حلقه‌ي طغراي گُرَنجَش
خوزَو ئَو سَره هاله سَرينَش آفرين وه صنع حُسن آفرينش
الامان وه‌و تير دَوران ديده‌ش چون تير وه تركش ترك ماچين وه‌ش
تبارك وه اَنف قلم كشيده‌ش حجاب ديده‌ي سُرمه رَژيده‌ش
هيهات چو كَمان هر وه كَمينَش آفرين وه صنع حُسن آفرينش
امان وه بافته ي طغراي ده هفته‌ش عقرَبان له دَور ده هفته خفته‌ش
واوَيلا وه قَوس وه همدا رفته‌ش نه سر تخت عين آهوان كَفته‌ش
هيچ دَس نخوردن هيماي پرچينَش آفرين وه صنع حُسن آفرينش
دخيل وه مژگان جرگ دلدوزَش وه‌و برق سيماي سحر افروزَش
وه‌و طره‌ي ماران ضحاكي توزَش وه‌و شعشعه‌ي فام شَوانه و روزَش
چمان وه نقره‌ي خامَن سَرينَش آفرين وه صنع حُسن آفرينش
اطوارش مَر طور شيرين اَرمَن وي طور هر ايوان خسروَش كَمَن
نه وخت سَيران نه صحرا و دَمَن فام داران ماتِن،نورن يا تَمَن
وه شوق شعاع شعله ي جَبينَش آفرين وه صنع حُسن آفرينش
وه‌و بَرز بالاش خلايق وه دور ماچان بدريون رژيدن وه نور
وه‌و ساق سيمين سرپنجه‌ي بلور مَر طاوس نه ملك ايوان جاي حور
«سَي ياقو»پَي او نَمَندن دينَش آفرين وه صنع حُسن آفرينش
مطالب مشابه :
شعري از سعيد عبادتيان
شعر کردی جنوب - شعري از سعيد عبادتيان - وبلاگی برای معرفی شعر کردی جنوب- متعلق به رضا جمشیدی
شعری از مهوش سلیمانپور
شعر کردی جنوب - شعری از مهوش سلیمانپور - وبلاگی برای معرفی شعر کردی جنوب- متعلق به رضا جمشیدی
شعری از امین شیرزادی
شعر کردی جنوب - شعری از امین شیرزادی - وبلاگی برای معرفی شعر کردی جنوب- متعلق به رضا جمشیدی
غزلي تازه از رضا جمشيدي
شعر کردی جنوب - غزلي تازه از رضا جمشيدي - وبلاگی برای معرفی شعر کردی جنوب- متعلق به رضا جمشیدی
شعري از ماموستا ولي ديوانه
شعر کردی جنوب - شعري از ماموستا ولي ديوانه - وبلاگی برای معرفی شعر کردی جنوب- متعلق به رضا
شعری از حامد شبابی-گیلانغرب
شعر کردی جنوب - شعری از حامد شبابی-گیلانغرب - وبلاگی برای معرفی شعر کردی جنوب- متعلق به رضا
شعري از سيد يعقوب ماهيدشتي
شعر کردی جنوب - شعري از سيد يعقوب ماهيدشتي - وبلاگی برای معرفی شعر کردی جنوب- متعلق به رضا
شعریگ له علیرضا خانی
شعر کردی جنوب - شعریگ له علیرضا خانی - وبلاگی برای معرفی شعر کردی جنوب- متعلق به رضا جمشیدی
غزل لکی از بابک درویشی
شعر کردی جنوب - غزل لکی از بابک درویشی - وبلاگی برای معرفی شعر کردی جنوب- متعلق به رضا جمشیدی
برچسب :
شعر کردی جنوب